आजकाल चर्चामा हुन या चर्चीत हुन खासै पापड बेल्ने दिन गए। तपाईलाई मनमा लागेको कुरा बोल्दिनु।पलभरमै तपाई भाईरल बन्नु हुन्छ। आज सामाजिक सञ्जालमा यी तीन ‘राउत’को चर्चा चलिरहेको छ । नायिका वर्षा राउतले सरकारबाट जारी गरिएको नयाँ नक्सा र यसबाट उत्पन्न परिस्थितिलाई लिएर दिएको अभिव्यक्तिपछि तीन राउतको चर्चा भएको हो ।
मुलुक विखण्डनको राजनीतिक एजेण्डा बोकेर हिँडेका सिके राउत र प्रहरीमाथि खनिएर अभिव्यक्ति दिएकी नायिका आस्था राउतसँगै जोडेर बर्षा राउतको सामाजिक सञ्जालमा चर्चा र टिप्पणी भइरहेको छ ।
२४ फागुन २०७५ मा सरकार र सिके राउत नेतृत्वको तत्कालीन स्वतन्त्र मधेश गठबन्धनबीच ११ बुँदे सहमति भयो । स्वतन्त्र मधेस गठबन्धन र सरकारबीच ११ बुँदे सहमति भएसँगै सिके राउत पक्षले संघीय लोकतान्त्रिक गणतन्त्र स्वीकार्दै स्वतन्त्र राजनीति गर्ने तथा स्वतनत्रता, स्वाधिनता र अखण्डतको रक्षा गर्ने प्रतिवद्धता जनाएको छ । साथै अहिले सिके राउत जनमत पार्टी दर्ता गरेर राजनीति गरिरहेका छन् ।
यस्तै गत माघमा विमानस्थलमा ड्युटीमा रहेकी एक महिला सुरक्षाकर्मीलाई लक्षित गरि प्रहरी संगठनविरुद्ध दिएको अभिव्यक्तिले गायिका आस्था राउत विवादमा परिन् । पक्राउ परेर केही दिन प्रहरीको न्यायिक हिरासतमा बसेर गायिका आस्था राउत रिहा भएकी थिइन् ।
सरकारले मुलुकको प्रशासनिक तथा राजनीतिक नयाँ नक्सा जारी गरेको सम्बन्धमा दिएको नायिका आस्था राउतको अभिव्यक्तिलाई सामाजिक सञ्जाल प्रयोगकर्ताले विरोध गरिरहेका छन् । उनले दुई देशबीचको विवाद वार्ताबाट समाधान गर्नुपर्ने बताएकी थिइन् । यद्यपि उनले यसबारे क्षमायाचना गरेकी सकेकी छन् ।
तर, सामाजिक सञ्जालमा भने सिके राउत, आस्था राउत र बर्षा राउतलाई जोडेर उनीहरुको देशप्रतिको विचाराधारमाथि विभिन्न टिकाटिप्पणी भइरहेका छन् ।
सामाजिक सन्जालबाट साभार