eNepal

कोरोना संक्रमितकाे उपचार गर्न बटलरको जर्सी ६५ हजार पाउन्डमा लिलामी

इंग्ल्यान्डका जोस बटलरले एकदिवसीय विश्वकप फाइनलमा लगाएको जर्सी लिलामीमा राखी ६५ हजार पाउन्ड संकलन गरेका छन् । गत वर्ष लड्र्स मैदानमा इंग्ल्यान्डले न्युजिल्यान्डलाई धेरै बाउन्ड्री प्रहार गरेको आधारमा हराउँदै पहिलोपटक एकदिवसीय विश्व च्याम्पियनसिप ट्रफी उचालेको थियो । सोही फाइनलमा लगाएको जर्सी बटलरले लिलामीमा राखेका थिए । उनले संकलित रकम कोरोना भाइरसबाट पीडितहरूको उपचारका लागि खर्च गर्ने बताएका छन् । 

लन्डनमै रहेको मुटु र फोक्सोको उपचारमा केन्द्रित ब्रोमटन र हेयरफिल्ड अस्पताललाई कोभिड–१९ का लागि आवश्यक स्वास्थ्य सामग्री खरिदका बटलरले रकम उपलब्ध गराउने भएका छन् । मंगलबार जर्सी लिलामीको अन्तिम दिन थियो । बटलरको जर्सी किन्न ८२ जनाले आवेदन दिएका थिए । एक व्यक्तिले सर्वाधिक ६५ हजार एक सय पाउन्ड बोली लगाए । 

२९ वर्षीय विकेटकिपर तथा ब्याट्सम्यान बटलरले गत जुलाईमा न्युजिल्यान्डविरुद्धको विश्वकप फाइनलमा अर्धशतक प्रहार गरेका थिए । उनले सुपर ओभरको अन्तिम बलमा मार्टिन गुप्टिललाई रनआउटसमेत गरेका थिए । गत साता बटलरले सामाजिक सञ्जालमा एक भिडियो सन्देशबाट विश्वकपको जर्सी लिलामीमा राखेको जानकारी दिएका थिए ।

सो जर्सीमा विश्वकप विजेता इंग्लिस टोलीका सबै सदस्यको हस्ताक्षर छ । उनले भिडियो सन्देशमा कोरोना संक्रमणविरुद्ध डाक्टर, नर्स र नेसनल हेल्थ सर्भिसले उल्लेख्य योगदान पुर्याएको र त्यसमा सहयोग गर्ने उद्देश्यले जर्सी लिलामीमा राखेको जनाएका थिए ।

Related posts

पोखरा एघार ग्लोबल मार्क एनटिएसए फुटसल च्याम्पियनसिप २०२२ को विजेता बन्न सफल

Manoj Poudyal

यति एफसी रातोले बाजी मार्यो यो बर्षको कन्डेल कन्सल्टेन्सी कपको उपाधी

Manoj Poudyal

मेल्बर्नमा कँडेल कन्सल्टेन्सी क्रिकेट कार्निभल हुँदै, आठ टिमले प्रतिस्पर्धा गर्दै

Manoj Poudyal

नेपालको विश्वकप टी–ट्वान्टी क्रिकेट प्रतियोगिता खेल्ने सपना अधुरै

Manoj Poudyal

ओमनलाई हराउँदै नेपालको सुखद सुरुवात

Manoj Poudyal

आईपीएल अक्शनको पहिलो दिन: १५.५ करोड सहित इशान सर्वाधिक महंगो, सन्दिप भने बिकेनन्

Manoj Poudyal

Notice: ob_end_flush(): failed to send buffer of zlib output compression (0) in /home/enepal/public_html/wp-includes/functions.php on line 5349