eNepal

अत्यावश्यक अवस्थामा बाहेक देशभित्र वा बाहिर यात्रा नगर्न नेपाली राजदूतावास क्यानबेराको आग्रह

केही समयदेखि विश्वका अधिकांश मुलुकहरूमा कोरोना भाइरस (COVID-19) बाट सङ्क्रमित/प्रभावित हुनेको सङ्ख्या बढिरहेको र अष्ट्रेलियामा पनि यसबाट केही व्यक्तिहरू सङ्क्रमित भएको र केहीको निधनसमेत भएको विदितै छ । यस सन्दर्भमा यस राजदूतावास अष्ट्रेलिया, न्युजिल्याण्डलगायत प्रशान्त क्षेत्रमा बसोबास गर्नुहुने नेपाली समुदायमा उच्च सतर्कता अपनाउन विशेष अनुरोध गरेको छ । साथै, अष्ट्रेलिया सरकार र नेपाल सरकारले समेत कोरोना भाइरसबाट सुरक्षित रहन सन्देश जारी गरेको सन्दर्भमा देहायबमोजिमको सतर्कता अपनाउनुहुन समेत यस राजदूतावास हार्दिक अनुरोध गरेको छ।

१) सङ्क्रमित बिरामीको सम्पर्कमा नआउने ।

२) स्थानीय सरकारका Health Authorities बाट जारी भएको निर्देशन समेतलाई मनन गरी अत्यावश्यक काम परेमा बाहेक भीडभाडमा नजाने र सकेसम्म भीडभाड हुने प्रकृतिका कार्यक्रमहरू आयोजना नगर्ने ।

३) सार्वजनिक यातायातका साधनहरूमा यात्रा गर्दा सुरक्षित मास्कको प्रयोग गर्ने ।

४) हाच्छिउँ गर्दा वा खोकी लाग्दा रुमाल वा टिस्यु पेपरले मुख छोप्ने । फोहोर हातले नाक, मुख र आँखा नछुने । पटक पटक साबुन पानीले हात धुने र स्यानिटाइजरको प्रयोग गर्ने।

५) सम्भव भएसम्म हात नमिलाउने, अङ्कमाल नगर्ने ।

६) अधिकृत वारिसनामा, मञ्जुरीनामालगायत राजदूतावासमा स्वयम् उपस्थित भई सहीछाप गरिदिनुपर्ने कामका लागि बाहेक अन्य सेवाका लागि आफू नआई द्रुत मेल (हुलाक) मार्फत् कागजातहरू पठाउने ।

७) रुघा, खोकी, ज्वरोजस्ता समस्या देखा परेमा तत्काल नजिकको स्वास्थ्य केन्द्रमा वा आ-आफ्नो state or territory health authority (https://www.health.gov.au/about-us/contact-us/local-state-and-territory-health-departments) मा सम्पर्क गर्ने ।

८) अत्यावश्यक अवस्थामा बाहेक देशभित्र वा बाहिर यात्रा नगर्ने ।

यसैबीच हालै नेपालबाट अष्ट्रेलियाको होबार्ट आएका एक नेपाली विद्यार्थीमा कोरोना भाइरसको सङ्क्रमण देखिएकाले हाल निजको रोयल होबार्ट अस्पतालमा उपचार भइरहेको र निजको अवस्था सामान्य एवम् सुधारोन्मुख रहेको जानकारी उक्त अस्पतालबाट प्राप्त भएको छ । यस विषयमा राजदूतावासले नेपाली सोसाइटी अफ तास्मानिया र गैरआवासीय नेपाली सङ्घ, तास्मानियासँग आवश्यक समन्वय गरिरहेको छ । निजको बारेमा विभिन्न सामाजिक सञ्जालमा आएका टीकाटिप्पणी तथा अनलाइन पत्रपत्रिकाका समाचारले निजलाई मनोवैज्ञानिक असर पार्न सक्ने तथा निजको व्यक्तिगत र पारिवारिक गोपनियतासमेत भङ्ग हुनसक्ने भएकोले त्यसप्रकारको टीकाटिप्पणी वा समाचार सम्प्रेषण नगरिदिनुहुन यस राजदूतावास अनुरोध गर्दछ । साथै, तास्मानियालगायत अष्ट्रेलियाको विभिन्न स्थानमा रहनुभएका सम्पूर्ण नेपाली समुदायमा संयमित एवम् सतर्क रहुनुहुन समेत राजदूतावास हार्दिक अपिल गरेको छ ।  

https://www.facebook.com/424247651246106/posts/1094904927513705/?d=n

Related posts

Online Gambling Enterprise Slot Machines: The Ultimate Guide

अविलास

Understanding High Cholesterol: Reasons, Results, and also Management

अविलास

Exactly how to Detox Your Body: A Comprehensive Overview

अविलास

अविलास

Experience the Thrill of Free Live Roulette Gamings

अविलास

The Very Best Actual Cash Casinos: Your Overview to Online Gambling

अविलास

Notice: ob_end_flush(): failed to send buffer of zlib output compression (0) in /home/enepal/public_html/wp-includes/functions.php on line 5349