eNepal

जन्मदिनको शुभकामना बुवा !!

पुजनीय बा,
जन्मदिनको लाख लाख बधाई !

हामी जहाँ पुगे पनि हजुरकै छायाँ, हाम्री ममतामयी आमाको मायाँ । समयले आज हामीलाई भूगोलको वल्लो छेर र पल्लो छेउमा पुर्याएको छ । प्रशान्त महासागर हाम्रो साक्षी । बा, आज हामी हजुरका सन्तान मिलेर यो पत्र लेख्दैछौँ । आजको विशिष्ट दिनमा सन्तानको तर्फबाट केही बोल्नु हाम्रो अधिकारमात्र होइन, कर्तव्य भएझैँ लाग्यो । त्यही भएर हाम्रो यो सानो शब्दोपहार स्वीकार गर्नुहोला भन्ने आशामा छौँ । बा, हामी कस्ता भयौँ ? के भयौं ? हजुरको सपना साकार भयो वा भएन, त्यो त थाहा भएन, तर हामीलाई जुन शिक्षादीक्षा र संस्कार दिनुभयो त्यसलाई अक्षरश पालना गरेझैँ लाग्दछ । हामीले सुख दिन सक्यौँ या सकेनौँ, त्यो आफ्नो ठाउँमा छ । तर हाम्रो कारणले तपाइहरुको शिर झुकेको र मन खिन्न नभएको कुरामा हामी ढुक्क छौँ । हामी हजुरहरुको सन्तान भएर यो धरतीमा आउन पाएकोमा आफूलाई निकै भाग्यमानी ठान्दछौँ । टाढा भयौँ । बाध्यता थियो वा रहर, पछि थाहा होला । ठीक भयो वा बेठीक, पछि थाहा होला । धेरै नेपाली सन्तानको नियति नै त्यस्तै भनौं भने हरेक मुलुकको कहानी उही हो । पखेटा लागेपछि जहाँका बचेरा पनि उड्ने रहेछन् । संसार नै आप्रवासीहरुको गोलचक्कर रहेछ , आखिर घाम, पानी, हावा, माटो उही हो । मानवता जहाँ पनि पुजिन्छ । कमैयोग जहाँ पनि महत्त्वपूर्णनै छ । बा, संसारको केही भाग त आफैँ घुम्नुभयो । हामी दाजुभाइ १० वर्षभित्र नेपाललाई जन्मथलो मात्रै नभएर कर्म थलो पनि बनाउने छौँ । बा हामीले इमान र सीपको महत्त्व बुझेका छौँ । समय र कर्मयोगलाई कण्ठ बनाएर जेट चढेका हौँ । बा, हामीलाई थाहा छ हजुरको पीडा । तर हजुर हरेक पीडालाई पेडा बनाएर पचाइदिुहुनछ । आखिर मान्छे मान्छे नै हो । जे सोचर आइन्छ विदेश, फरक हुन्छ । राम्रो छ तर नराम्रोको पनि अभाव छैन । जहाँको सिक्कामा पनि दुइृ पाटा त हुन्छ नै । हामी आगो पचाएर आएका नेपाली सन्तान यो पानी नै पानीको मुलुकमा कत्ति पनि बिचलित भएका छैनौँ, हुदैनौ पनि झिनामसिना कुराहरुले हामीलाई छुन्न नै ।

अस अबसरमा बैकुण्ठमा बास गरिरहनु भएको हजुरबुवा हजुरआमालाई पनि सम्झन चाहान्छौ। स्कुल देखि कलेजसम्मको सम्पूर्ण गूरुहरुमा नमन । मामा घरको हजुरबुवा -हजुरआमा, ठुलो बा-ठुलीआमा, अंकल-आण्टी सम्पूर्णलाई हाम्रो प्रणाम । बा, हजुर र आमाको पनि बेलाबेलामा चेकअप गराउनुहोला । आशा छ, हाम्री दिदी कमलाले हाम्रो अनुपस्थितिमा हजुरहरुलाई उदास हुनबाट जोगाउनु हुनेछ । ह्याप्पी बर्थ डे टू यू…। -परदेशी सन्तान

Related posts

मन्त्रिपरिषद् विस्तारः रक्षामा मिनेन्द्र रिजाल, कानूनमा दिलेन्द्रप्रसाद बडु

Manoj Poudyal

बेलायतमा प्रथम भिसी कुलवीर थापाको शालिक अनावरण

Manoj Poudyal

नारायणहिटी दरबार संग्रहालयबाट श्रीपेच चोर्ने प्रयास

Manoj Poudyal

भिक्टोरियामा पछिल्लो २४ घण्टाको अवधिमा ७६६ जनामा कोरोना भाइरसको संक्रमण पुष्टि

Manoj Poudyal

श्राद्ध सम्बन्धि केहि वैदिक सनातन नियम

Manoj Poudyal

संविधान दिवसको अवसर पारेर सपना रोक्का मगर, बिष्णु माझी देखी प्रचण्ड पत्नीलाई पदक

Manoj Poudyal