एनआरएनए युथ फोरम भिक्टोरीयाको आयोजनामा यहि २२ डिसेम्बर आईतबारका दिन मेल्बोर्नको कोबर्गमा अवस्थित कोबर्ग टेवलटेनीस हलमा एनआरएनए युथ कप टेवलटेनीस प्रतियोगिता हुने भएको छ।
पुरुष एकल, महिला एकल अनि पुरुष युगल र महिला युगलको लागि हुने सो प्रतियोगितामा पुरुष तर्फबाट ४० र महिला तर्फबाट १० खेलाडीको सहभागीता हुने भएको छ। प्रतियोगिता नकआउटका आधार खेलाईने छ।
प्रतिस्पर्धी सबै खेलाडीहरुलाई मेडलको व्यबस्था गरिएको छ भने विजयी खेलाडीहरुलाई नगद सहित च्याम्पियनशिप कप दिने आयोजकले जनाएको छ।
समुदाय भित्र सहजताका साथ घुलमिल हुने बाताबरण बनोस् र खेलकुदको माध्यमबाट आफ्नो कौशल्ता देखाउने अवसरका साथ बिशेषत: युवा बर्गलाई लक्ष्क्षित गरेर सो प्रतीयोगिता आयोजना गर्न लागिएको हो।