अस्ट्रेलीयाको मेल्बोर्नमा हिजो ८ डिसेम्बरबाट बिएमडबलु कप टि ट्वान्टी क्रिकेट टुर्नामेन्ट शुरु भएको छ। रोयल राईनोज क्रिकेट क्लबको आयोजनामा बिएमडव्लु एजुकेसन कन्सल्टेन्सीको मुख्य प्रायोजनमा भएको पहिलो दिनको खेलहरुमा ८ टिमको सहभागीता रहेको थियो।
प्रतियोगिताको पहिलो खेलमा नारे किङ्स क्रिकेट क्लवले ब्रिलेन्ट क्रिकेट क्लवलाई ५९ रनले पराजित गरेको थियो ।
यस्तै दोस्रो खेलमा गोर्खाली क्रिकेट क्लबले हिमालयन क्रिकेट क्लबलाई २५ रनले पराजित गर्यो भने हिम अस् क्रिकेट क्लवलाई सगरमाथा क्रिकेट क्लबले ८२ रनले पराजित गर्न सफल भएको थियो ।
यस्तै एक्सपर्ट क्रिकेट क्लबमाथि रोयल राइनोज क्रिकेट क्लबले १० विकेटले जित बाजी मारेको थियो ।
म्यान अफ द म्याच नारे किङ्गसका किरण कन्डेल, गोर्खाली क्रिकेट क्लवका सुनील खनाल, रोयल राईनोज क्रिकेट क्लवका मोहन पुन र सगरमाथा क्रिकेट क्लवका अविनाश पौडेल भएका थिए।
प्रतियोगितामा नेपाली समुदायको कुल ८ टिमको सहभागिता रहेको छ ।