eNepal

सागको छैटौं दिन नेपाललाई थप पाँच स्वर्ण

तेह्रौ दक्षिण एसियाली खेलकुद (साग) को छैटौं दिन नेपालले थप पाँच स्वर्ण जितेको छ ।

नेपालका लागि पौडीमा गौरिका सिंहले थप अर्को स्वर्ण जितेकी छन् । उनले ब्याकस्ट्रोक दुई सय मिटरमा भारतीय खेलाडीलाई पछि पार्दै स्वर्ण जितेकी हुन् । यसअघि गौरिकाले फ्रिस्टाइमा स्वर्ण जितेकी थिइन् ।

भारोत्तोलनमा विकास थापाले स्वर्ण जिते भने सञ्जु चौधरीले पनि स्वर्ण जितिन् । गल्फतर्फ सिंगल र टिममा सुवास तामाङले दोहोरो स्वर्ण जिते ।

यो सँगै नेपालको स्वर्ण संख्या ४१ पुगेको छ । ७४ स्वर्ण सहित अग्रता बनाइरहेको भारतलाई ४१ स्वर्ण बनाउँदै नेपालले पछ्याइरहेको छ । नेपालले २७ रजत र ४६ काँस्य गरी ११३ पदक जितेको छ भने भारतले ५३ रजत र २५ काँस्य गरी १५२ पदक जितेको छ ।

तेस्रो स्थानमा रहेको श्रीलंकाले २२ स्वर्ण, ३९ रजत र ६३ काँस्य जितेको छ । चौंथो स्थानमा रहेको पाकिस्तानले १८ स्वर्ण, २५ रजत र २८ काँस्य जितेको छ । बांग्लादेश ४ स्वर्ण, १६ रजत र ४९ काँस्य, माल्दिभ्सले १ स्वर्ण र २ काँस्य जितेको छ ।

अहिलेसम्म भुटानले स्वर्ण जित्न सकेको छैन । ६ काँस्य जित्दै भुटान अंक तालिकाको अन्तिममा रहेको छ ।

नेपालले भने २० वर्षपछि नयाँ कीर्तिमानी बनाइरहेकाे छ । सन् १९९९ काे आठाै‌ सागमा नेपालले ३१ स्वर्ण जितेकाे थियाे । त्यसअघि र पछि पनि नेपालले दाेहाेराे अंकमा स्वर्ण जित्न सकेकाे थिएन । 

Related posts

पोखरा एघार ग्लोबल मार्क एनटिएसए फुटसल च्याम्पियनसिप २०२२ को विजेता बन्न सफल

Manoj Poudyal

काठमाडौं महानगरपालिकाको मेयरमा स्वतन्त्र उम्मेदवार वालेन्द्र साहको अग्रता कायमै

Manoj Poudyal

यति एफसी रातोले बाजी मार्यो यो बर्षको कन्डेल कन्सल्टेन्सी कपको उपाधी

Manoj Poudyal

दिदीबहिनी समाज भिक्टोरीयाले यस बर्षको अन्तर्राष्ट्रिय महिला दिवस बिशेष तरिकाले मनायो

Manoj Poudyal

मेल्बर्नमा कँडेल कन्सल्टेन्सी क्रिकेट कार्निभल हुँदै, आठ टिमले प्रतिस्पर्धा गर्दै

Manoj Poudyal

विदेशबाट नेपाल आउने स्वदेशी तथा विदेशीसँग खोप कार्ड भए पीसीआर रिपोर्ट नचाहिने

Manoj Poudyal

Notice: ob_end_flush(): failed to send buffer of zlib output compression (0) in /home/enepal/public_html/wp-includes/functions.php on line 5349