eNepal

प्रधानमन्त्री ज्यु, नेपालको सिमानामा काँडेतार लगाइयोस्, पैसो छैन भने जनता दिन तयार छन्

भारतले सार्वजनिक गरेको नयाँ नक्सामा विवादित नेपाली भूभाग कालापानी र लिपुलेक आफ्नो नक्सामा पारेपछि नेपालका विभिन्न ठाउँमा बिरोध प्रदर्शन गरिएको छ । यसै क्रममा भारतीय सिमानामा पुगेर भारतका प्रधानमन्त्री नरेन्द्र मोदीको पुत्ला समेत दहन गरिएको छ । विभिन्न राजनीतिक पार्टीका युवा र विद्यार्थी संगठनहरुको अगुवाइमा नेपाल भारत सीमास्तम्भ ७९३र१ बाट जुलुससहित निस्किएका स्थानीयले भारतीय हस्तक्षेप विरुद्ध नाराबाजी गर्दै सीमानाकामा पुगेर मोदीको पुत्ला दहन गरेका हुन् ।

यसरी नेपालमा नयाँ नक्साको बि रोध भइरहेको बेला भारतले भने यो कुनै नयाँ नक्सा नभएर पुरानै नक्सा सार्वजनिक गरेको बताएको छ । त्यसैगरी यो नक्सामा कुनै हेरफेर नहुने समेत प्रष्ट पारेको छ । यसै बिषयमा दिपा सिम्खडा नामक फेसबुक युजरले प्रधानमन्त्री ओलीलाई खुला पत्र लेखेकी छन् । उनको पत्रलाई जस्ताको त्यस्तै तल प्रस्तुत गरिएको छ-

माननीय प्रधानमन्त्रीज्यू,

सुस्वास्थ्यको कामना, तपाइँसँग एकोहोरो बात गर्न मन लाग्यो। कम्युनिस्टले जितेमा देशले कोल्टे फेर्छ भन्थे अहिले त सिमाना पनि फेरिन लागेछ नि ! सीमा सुरक्षाको निम्ति खटिएका हाम्रा दाजुभाइ नेपालमा सुतेर बिहान भारतमा ब्यूँझने त छँदै थियो, अब केहि समयमा बिहारबाट सगरमाथा देखियो भनेर सगरमाथा पनि भारतकै हो भन्लान् रे, सिङ्गो नेपाल नै नक्सामा हालेर ’ Great India’ भनेर नक्सा बनाईदेलान् रे, लु ट्न सके लुट गीतलाई ब्यान गर्ने तपाइँहरु आज जमिन लु टिँदा किन मौन ? भारतको नीति चाम्रो भएको बेला तपाईंहरुको नीति राम्रो हुन पर्ने होईन र ? कि जनताको स्वास्थ्यको ख्याल गर्दै कालापानी लैजा भारत हामी ‘सफापानी’ पिउँछौ भन्ने बिचारमा हुनुहुन्छ ?

मलाई PM बनाइ देउ, मन्त्री बनाइ देउ, मेरो छोरालाई डाक्टर पढाइ देउ, नातिलाई CA बनाई देउ भन्दै भारतीय नेता समक्ष भन्न सके जसरी “सिमाना नमिच “ भन्न तपाईहरुले कहिले सिक्ने ? सेनालाई ब्यारेकमा राखेर पुलिसलाई सिमामा खटाउने ? स्वाधीनतालाई कुटनीतिले नभई राजनीतिले कहिलेसम्म चलाउने ? उसको सिमाना बचाउन हामी नै ल ड्नु पर्ने, अनि उस्ले यता हामीलाई हेपेर दादागिरी देखाउँदा चैँ तपाईको कानलाई किन कानाबन्धि लाग्यो? कि भनिदिनुस् हाम्रो आर्मीको काम भनेको सडक बनाउने, शिवरात्रीमा टुंडिखेलमा खेला देखाऊने , राष्ट्रपतिको bag बोक्ने मात्र हो , सिमामा त PUBG को आर्मी खटाउनुस् भनेर..

नेपालको आधिकारिक नक्शा कुन हो ? भारतले मिचेको हो कि तपाईहरुले छोडेको ? यत्ति भन्न चाहान्छु, फलाम तातेकै बेला घन हान्ने हो सरकार , रेल र पानीजहाज बिस्तारै चढौंला बरु नेपालको सिमानामा काँडेतार लगाइयोस्, पैसो छैन भने जनता दिन तयार छन् । यस्ता बिषयहरू बिपक्षमा हुँदा मात्र मुद्दा बन्ने सत्तामा पुगेपछि वास्ता नगर्ने प्रवृति सच्याउनुस्, हामी जनता नाकाबन्दीमा जस्तै जवाफ दिन तयार छाैँ, एक भएर, नझुकेर, हस्त नमस्कार । (साभार- दिपा सिम्खडाको फेसबुकबाट)

Related posts

ग्रामपियन्स यात्रा सस्मरण- ग्रामपियन्स जंगलमा ॐकार ध्वनिको गुन्जन

Manoj Poudyal

काठमाडौं महानगरपालिकाको मेयरमा स्वतन्त्र उम्मेदवार वालेन्द्र साहको अग्रता कायमै

Manoj Poudyal

दिदीबहिनी समाज भिक्टोरीयाले यस बर्षको अन्तर्राष्ट्रिय महिला दिवस बिशेष तरिकाले मनायो

Manoj Poudyal

विदेशबाट नेपाल आउने स्वदेशी तथा विदेशीसँग खोप कार्ड भए पीसीआर रिपोर्ट नचाहिने

Manoj Poudyal

अभिनेता पल शाह आफैं प्रहरीसमक्ष उपस्थित हुँदै

Manoj Poudyal

नायक पल शाहविरुद्ध नाबालिगमाथि यौनजन्य अपराध गरेको आरोपमा जाहेरी दर्ता

Manoj Poudyal

Notice: ob_end_flush(): failed to send buffer of zlib output compression (0) in /home/enepal/public_html/wp-includes/functions.php on line 5349