eNepal

विमानबाटै फर्काइए सिंगापुर हिँडेका एनआरएनए अध्यक्ष भट्ट

सिंगापुर जान लागेका गैर-आवासीय नेपाली संघ (एनआरएनए)का अध्यक्ष भवन भट्ट त्रिभुवन अन्तर्राष्ट्रिय विमानस्थलबाट फर्काइका छन्।

सिल्क एयरको फ्लाइट नम्बर एसएलके ४१३ (कल साइन एमआई ४१३) बोइङ विमानबाट शनिबार राति १० बजे सिंगापुर जान लागेका उनी विमानमा बसिसकेको अवस्थामा फर्काइएका हुन्।

एनआरएनए अध्यक्ष भट्ट र शुभदिन अनलाइनका सञ्चालक सनत न्यौपानेलाई अधिक मद्यपान गरिएको भन्दै सबै प्रक्रिया पूरा गरी विमानमा बसिसकेको अवस्थाबाट फर्काइएको विमानस्थल प्रहरी स्रोतले बतायो।

उनीहरुले मद्यपान गरी अभद्र व्यवहार गरेपछि एयरलाइन्सले उनीहरुसहित उडान गर्न नसक्ने बताउँदै फर्काएको स्रोतको दाबी छ।

टोलीमा सहभागी शुभदिन अनलाइनका सञ्चालक न्यौपानेले आफूहरु विमानमा चढिसकेको अवस्थाबाट फर्काइएको स्वीकारे। प्रधानमन्त्री केपी शर्मा ओलीको स्वास्थ्य अवस्था बुझ्न सोतर्फ जान लागेका आफूहरुलाई सिल्क एयरलाइन्सले अभद्र व्यवहार गरेको उनको आरोप छ।

आइतबार बिहान सामाजिक सञ्जाल फेसबुकमा लाइभ जोडिएका उनले भने, ‘दिनभर सँगै रहेका हामी प्रधानममन्त्रीको स्वास्थ्य अवस्था बुझ्न सिंगापुर जाने तय गर्‍यौं र फ्लाइट बुक गरेका थियौं। साथमा त्यहाँ बिजनेस गर्ने बारेको केही मिटिङ समेत थियो,’ उनले भने, ‘तर, हामीलाई सिल्क एयरलाइन्सबाट अभद्र व्यवहार गरियो। विमानमा बसिरहेको अवस्थामा हामीलाई निकालियो।’

उनले सो क्रममा आफूहरुले मद्यपान गरेको समेत स्वीकारेका छन्। ‘हामी दिनभरजसो विजनेस मिटिङमा थियौं। विजनेस मिटिङमा कुन किसिमको मद्यपान गरिन्छ भन्ने कुरा जगजाहेर नै छ। त्यो नकार्न मिल्दैन,’ उनले अघि थपे, ‘हामी चेक-इनबाट भित्र छिर्‍यौं। हामीलाई बोर्डिङ पास पनि दिइयो। सोपश्चात् इमिग्रेसन र सेक्युरिटी पास गरेर हामी विजनेस लाउन्जमा गएर बस्यौं। बीचमा प्रि-बोर्डिङमा पनि सुरुमा बोर्ड गर्न मिल्दैन भनियो र लगत्तै मिल्छ भनेर अगाडि पठाइएको थियो। तर, सिटमा बसिसकेपछि एयरलाइन्सका पाइलट आएर तपाईंहरुलाई साथमा लग्न नसक्ने बताए।’

जाँचका क्रममा आफूहरुमाथि ब्रेथलाइजर (मद्यपान गरे/नगरेको जाँच गर्ने यन्त्र)समेत नलगाइएको उनले स्पष्ट पारेका छन्।

उनले सबै प्रक्रिया पूरा गरेर उडानका लागि विमानमा बसेको अवस्थामा फर्काउनुपर्ने के कारण हुनसक्छ भनेर प्रश्न समेत गरेका छन्। उनले एयरलाइन्सले आफूहरुमाथि दुर्व्यवहार गरेको र आग्रह साँधेको समेत आरोप लगाएका छन्।

न्यौपानेले सिल्क एयरको यस्तो कार्यले ‘नेपाल भ्रमण वर्ष २०२०’लाई समेत प्रभाव पार्ने दाबी गरेका छन्।

सो सम्बन्धमा सिल्क एयरलाइन्सबाट भने आधिकारिक रुपमा हालसम्म केही बताइएको छैन। (तस्बिर- भवन भट्टको फेसबुक)

Related posts

Yellow Pills: What are They Made use of For?

अविलास

एनआरएनए भिक्टोरियाको अध्यक्षमा मणिरत्न सापकोटाको उम्मेद्वारी

Manoj Poudyal

लोकल स्पोर्टिङ्ग क्लब ब्लड च्यालेन्ज प्रोग्राममा रोयल वेस्टर्न्स क्लबले पायो यस्तो सफलता

Manoj Poudyal

एएनएमसीको वार्षीक साधारण सभा आउँदो आईतबार, गएको दुई बर्षमा भए यस्ता उदाहरणीय काम

Manoj Poudyal

आउँदो ४ सेप्टेम्बरका दिन मेल्बर्नमा गौरा पर्व मनाइदै

Manoj Poudyal

सुरु भयो धमाका २०७९ अष्ट्रेलिया टूर, सात शहरमा कार्यक्रम हुँदै

Manoj Poudyal

Notice: ob_end_flush(): failed to send buffer of zlib output compression (0) in /home/enepal/public_html/wp-includes/functions.php on line 5349