तपाई हामी अभिभावक बोलाउँछौ तर कामको ब्यस्तताले गर्दा घुमाउने अबसर पाएका हुँदैनौ। हाम्रा बा आमा जो गाउँ घरमा घुमेर आफ्ना दौंतरीहरुसँग गफ गरेर दिन काट्ने बानी भएकाहरुलाई एउटा कोठामा बस्न बाध्य बनाई रहेका हुन्छौं। यो परदेसी जिवन आफैमा ज्यादै नै कठिनपूर्ण छ।हरेक कुराहरुको चाँजोपाँजो मिलाउँदा मिलाउँदै अभिभावकहरूको फर्किने दिने आउँछ।
हो यस्लाई मध्यनजर गरेर आफ्ना उमेरका साथी सङ्गीहरुसँग केही भएनी भलाकुसारी होस अनि रमाईलो होस भन्ने हेतुले एनआरएनए भिक्टोरीया र नारी निकुन्जले अस्ट्रलीयन नेप्लीज मेडीकल एन्ड डेन्टीस्ट सँघ र अस्ट्रलीयन सिनीयर नेपाली नागरीक समाजको संयुक्त प्रयासमा अभिभावक दिवस मनाउन गई रहेको छ। १२ जुन आईतबारका दिन अभिभावकहरुलाई सानो भ्रमणको आयोजना गर्दै बिहानको ७:३० बजे फेडरेसन स्क्वायरमा भेला गराएर दुर्गा मन्दीर, बुद्द मन्दीर, बन भोज र बेन्डीगोमा रहेको सुन खानी अबलोकन गराउने तयारी रहेको छ।