साउनको पहिलो हप्ताबाट दि भ्वाइसको दोश्रो संकरण हिमालय टेलिभिजनबाट सुरु हुँदैछ । अहिले यो शोको धमाधम छायांकन भैरहेको छ । विश्वको सबै भन्दा ठूलो रियालिटी शो मानिने दि भ्वाइसको दोश्रो संकरण सुरु हुँदै गर्दा यसको केही परिवर्तनहरु पनि देखिएका छन् । परिवर्तनसँगसँगै यसलाइ लिएर प्रश्न पनि उब्जिएको छ ।
विशेषगरि, पहिलो संकरणमा भएका कोचहरु दोश्रो शोमा फेरिदा दर्शकले प्रश्न गर्ने नै भए । दोश्रो संकरणमा पहिलो शोका कोच अभया र सनुप पौडेल यसपाली रहने छैनन् । उनीहरुको स्थानमा गायक राजु लामा र गायिका आस्था राउत भित्रिएका छन् ।
योसँगै अभयालाई किन दि भ्वाइस छाडेको भन्ने प्रश्नहरु अत्याधिक मात्रामा आएर अन्तत: युटुब मार्फत अभयाले जवाफ दिएकी छिन् ।