डर सबैलाई लाग्छ, तर उत्तर कोरियाका तानाशाही नेता किम जोङ–उनलाई जस्तो कसैलाई लाग्दैन होला । परमाणु हतियारको बलमा पूरै विश्वलाई डरमा बाँच्न बाध्य पार्दै आएका किम आफै निकै डराउँछन् ।
प्रमाण मंगलबार सिंगापुरमा भएको अमेरिकी राष्ट्रपति डोनाल्ड ट्रम्पसँगको वार्ताका लागि उनले अपनाएको सावधानी पनि बनेको छ । यो वार्ताका लागि सिंगापुर गएका बेला किमको सुरक्षाका लागि विशेष व्यवस्था गरिएको थियो ।
सुरक्षाकै कारण किम आफ्नो व्यक्तिगत ट्वाइलेटमा मात्रै दिसा पिसाब गर्छन् । त्यसका लागि विशेषखालको ट्वाइलेट बनाइएको छ र त्यो किम जहाँ जान्छन् त्यहिँ लगिन्छ । ट्रम्पसँगको वार्ताका लागि किम सिंगापुर गएका बेला पनि त्यो ट्वाइलेट लगिएको थियो ।
किन ट्वाइलेट लिएर हिँड्छन् किम ?
किमले जहाँ पनि ट्वाइलेट लिएर जाने बानीको खुलासा उत्तर कोरियाको गार्ड कमाण्ड युनिटका एक पूर्व अधिकारीले गरेका हुन् । उनी अहिले दक्षिण कोरियामा बस्दै आएका छन् ।
सम्झौतामा हस्ताक्षर गर्दै ट्रम्प र किम । तस्बिर : रोयटर्स
पूर्व अधिकारी ली युनले वासिङ्टन पोस्टसँग भनेका थिए कि, ‘आफ्नो दिसा पिसाबको नमुना लगेर आफ्नो स्वास्थ्यका बारेमा जानकारी हाँसिल गर्न सक्ने भएकाले किमले ट्वाइलेट सँगै लिएर हिँड्छन् ।’
आफ्नो दिसा पिसाब अरुले भेटेमा हत्याको योजना बनाउन सक्ने किममा भय छ । उनी आफ्नो कुनै पनि जानकारी अरुले थाहा नपाउन् भन्ने चाहन्छन् ।
सुरक्षाका लागि उत्तर कोरियाबाट तीनवटा विमान सिंगापुर गए । कुन विमानमा किम छन् भन्ने कुरा खुलाइएको थिएन । चीनको सांघाई हुँदै किम सिंगापुर गएनन्, किनकी यो समुद्रको माथि पर्छ । त्यसैले उनी चीनको बेइजिङ्ग हुँदै सिंगापुर पुगेका थिए ।
यो रुट सांघाई भन्दा १० घण्टा लामो थियो । सामान्यतया अरु मानिसहरु कोहीसँग वार्ता वा भेटका लागि जाँदा उपहार लिएर जान्छन् । तर किम भने आफ्नो कमोड (ट्वाइलेट) लिएर हिँड्छन् ।
