eNepal

आइपिएलको प्लेअफ चरणमा पुगे यि टिम

आइपिएलको लिग चरणका खेल सकिएपछि प्लेअफको समिकरणको टुंगो लागेको छ । आइतबार भएका खेलमा दिल्ली डेयरडेभिल्सले मुम्बई इण्डियन्सलाई र चेन्नई सुपरकिंग्सले किंग्स इलेभेन पन्जावलाई पराजित गरेपछि आइपिएलको प्लेअफ समीकरण टुंगिएको हो ।

आइपिएलको प्लेअफमा सनराइजर्स हैदरवाद, चेन्नई सुपरकिंग्स, कोलकोता नाइटराइडर्स र राजस्थान रोयल्स पुगेका छन् ।

हैदरवादले १४ खेलमा १८ अंक सहित ०.२८४ रनरेटका साथ शिर्ष स्थानमा रहदै प्लेअफमा पुगेको छ । त्यस्तै दोस्रो स्थानमा रहेको चेन्नईले १४ खेलमा १८ अंक हासिल गरेपनि उसको रनरेट ०.२५३ रहेकाले दोस्रो भएको छ ।

त्यस्तै कोलकोता नाइटराइडर्सको १४ खेलमा १६ अंक सहित -०.०७० रनरेटका साथ प्लेअफमा पुगेको छ । त्यस्तै १४ खेलमा १४ अंक जोडेको राजस्थान रोयल्स -०.२५० रनरेटसहित प्लेअफमा पुगेको छ ।

यता प्लेअफमा पुग्ने सम्भावना रहेका मुम्बई र पन्जाव दुवैले आ-आफ्ना अन्तिम लिग खेलमा हार बेहोरेपछि आइपिएलबाट बाहिरिएका हुन् ।

पहिलो क्वालिफायर : अब आइपिएलको फर्म्याट अनुसार पहिलो हुने हैदरावाद र दोस्रो हुने चेन्नईका बिच पहिलो क्वालिफायर खेल हुने छ । यस खेलको विजेता टिम सिधै फाइनलमा पुग्छ भने पराजित टिमले दोस्रो क्वालिफायर खेल्न पाउने छ । आइपिएलको यस फर्म्याटमा दोस्रो दुने टिमलाई फाइदा हुने गर्दछ ।

इलिमिनेटर : त्यस्तै तेस्रो हुने कोलकोता र चौथो हुने राजस्थानबीच इलिमिनेटर खेल हुने छ । इलिमिनेटरको विजेता टिम र पहिलो क्वालिफायरको पराजित टिम दोस्रो क्वालिफायर खेल खेल्ने छन् ।

यसरी पहिलो क्वालिफायरको विजेता र दोस्रो क्वालिफायरका विजेता टिम यस सिजनको आइपिएलको उपाधिका लागि खेल्ने छन् ।

अबको खेल र समय तालिका :

यस आइपिएलका क्वालिफायरदेखिका खेलको समय परिवर्तन गरिएको छ ।

हाल जारी आइपिएलका खेल राति १२ बजेसम्म हुने हुँदा स्टेडियममा अबेर राति सम्म दर्शक नबसेपछि आइपिएल गभर्निंङ काउन्सिलले समयमा फेरबदल गर्दै ८ बजेको सट्टा ७ बजेबाट खेल सुरु हुने भएको छ । परिवर्तित समय भने पहिलो क्वालिफायर, इलिमिनेटर, दोस्रो क्वालिफायर र फाइनल खेलका लागि लागु हुने आइपिएल गभर्निङ काउन्सिलका प्रमुख राजीव शुक्लाले जानकारी दिएका छन् ।

शुक्लाले दर्शकले नै आइपिएललाई यँहासंम्म पुर्याएकाले उनीहरुको समस्यालाई सम्बोधन गर्दै आइपिएलका क्वालिफायर खेल र फाइनल खेल एक घण्टा अगाडी नै सुरु गर्ने निर्णय भएको जानकारी दिएका छन् ।

आइपिएलको पहिलो क्वालिफायर खेल अब हैदरावाद र चेन्नईका बीच मे २२ मा मुम्बईमा हुने छ भने इलिमिनेटर खेल कोलकोता र राजस्थानका बीच मे २३ मा र दोस्रो क्वालिफायर खेल मे २५ मा कोलकोताको इडेनगार्डेन मैदानमा हुने छ ।

त्यस्तै प्रतियोगिताको फाइनल खेल मे २७ मा मुम्बईमा हुने छ ।

Related posts

पोखरा एघार ग्लोबल मार्क एनटिएसए फुटसल च्याम्पियनसिप २०२२ को विजेता बन्न सफल

Manoj Poudyal

यति एफसी रातोले बाजी मार्यो यो बर्षको कन्डेल कन्सल्टेन्सी कपको उपाधी

Manoj Poudyal

मेल्बर्नमा कँडेल कन्सल्टेन्सी क्रिकेट कार्निभल हुँदै, आठ टिमले प्रतिस्पर्धा गर्दै

Manoj Poudyal

नेपालको विश्वकप टी–ट्वान्टी क्रिकेट प्रतियोगिता खेल्ने सपना अधुरै

Manoj Poudyal

ओमनलाई हराउँदै नेपालको सुखद सुरुवात

Manoj Poudyal

आईपीएल अक्शनको पहिलो दिन: १५.५ करोड सहित इशान सर्वाधिक महंगो, सन्दिप भने बिकेनन्

Manoj Poudyal