eNepal

आइपीएलको अर्को सिजनमा १ करोडमा अनुबन्धित हुने भए सन्दिप

जारी इण्डियन प्रिमियर लिग आइपीएलमा नेपाली ले स्पिनर सन्दिप लामिछानेको टीम दिल्ली डेयर डेभिल्स बाहिरिएको छ । १४ खेलमध्ये ९ मा हार र ५ मा जित निकाल्दै १० अंकसहित तालिकाको पुछारमा छ । तर, सोही टोलीबाट १२ औँ खेलमा आइपीएलमा डेब्यू गरेका सन्दिपले भने चारैतिर हाईहाई कमाएका छन् ।

३ खेलबाट ५ विकेट लिएका सन्दिपले दिल्लीलाई समेत यसअघिका खेल नखेलाएको थकथकी लाग्ने बनाए । पहिलो र दोस्रो खेलमा समान १ विकेट लिएका सन्दिपले तेस्रो खेलमा आफूलाई थप निखारे र मुम्बई इन्डियन्सको ३ विकेट झारे । उनको उत्कृष्ट प्रदर्शनबाट दिल्लीले खेल जित्यो । र, सन्दिपको नेपालमा मात्र नभएर भारतमा पनि उत्तिकै चर्चा चुलियो । यसले उनको भविष्य सुन्दर देखाएको छ । तर, यससँगै उनीमा अब थप चुनौती भने पक्कै थपिएको छ ।

यसपटक सन्दिपले गरेको प्रदर्शनले आगामी आइपीएलमा पनि उनी अक्सनमा पर्ने पक्का भएको छ । र, उनलाई आफ्नो टोलीमा राख्न पनि धेरैले चासो देखाउने छन् । यस्तोमा सन्दिपको मूल्य कति होला त रु भन्ने चासो पनि पक्कै छ ।

यो सिजन २० लाखमा बिकेका सन्दिपको अर्को सिजन स्वतः डिमानड हाई हुनेछ र त्यससँगै पैसा पनि । जानकारहरुका अनुसार सन्दिपका लागि रु ५० लाखभन्दा माथि रु १ करोडसम्म बोली लाग्न सक्छ । यो सारा नेपाली र नेपाली क्रिकेट टोलीका लागि खुसीको कुरा हो ।

अर्कोतर्फ सन्दिपले नेपालमा आफूजस्तै राम्रो क्रिकेट खेल्ने थुप्रै क्रिकेटर रहेको समेत बताउँदै आएका छन् । उनको यस कदमले अन्य नेपाली क्रिकेटरले पनि आइपीएलमा भाग लिने सम्भावना उत्तिकै बढेको छ ।

Related posts

सुरु भयो धमाका २०७९ अष्ट्रेलिया टूर, सात शहरमा कार्यक्रम हुँदै

Manoj Poudyal

पोखरा एघार ग्लोबल मार्क एनटिएसए फुटसल च्याम्पियनसिप २०२२ को विजेता बन्न सफल

Manoj Poudyal

काठमाडौं महानगरपालिकाको मेयरमा स्वतन्त्र उम्मेदवार वालेन्द्र साहको अग्रता कायमै

Manoj Poudyal

यति एफसी रातोले बाजी मार्यो यो बर्षको कन्डेल कन्सल्टेन्सी कपको उपाधी

Manoj Poudyal

दिदीबहिनी समाज भिक्टोरीयाले यस बर्षको अन्तर्राष्ट्रिय महिला दिवस बिशेष तरिकाले मनायो

Manoj Poudyal

मेल्बर्नमा कँडेल कन्सल्टेन्सी क्रिकेट कार्निभल हुँदै, आठ टिमले प्रतिस्पर्धा गर्दै

Manoj Poudyal