राष्ट्रकवि माधवप्रसाद घिमिरे अस्वस्था हुनुभएको छ । उहाँको ग्राण्डी अस्पतालमा उपचार भैरहेको कान्छो छोरा राजिव घिमिरेले जानकारी दिनुभयो । राष्ट्रकवि घिमिरेको मुटु, फोक्सो र मिर्गौलामा समस्या देखिएको छ ।
यस अघिपनि उहाँलाई यस्तै स्वास्थ्य समस्या हुने गरेको र बेलाबेलामा अस्पताल लैजाने गरिएको छोरा राजिवले बताउनुभयो । उहाँका अनुसार राष्ट्रकवि घिमिरेको दिसामा पनि रगत देखिएको छ । उपचारका लागि विदेशबाट विशेषज्ञ डाक्टर बोलउने वा उहाँलाई नै बाहिर लैजाने भन्ने बारेमा अस्पताल प्रशासनसँग अहिले छलफल भइरहेको छ ।