eNepal

“सन्दीपजस्ता युवा प्रतिभालाई पहिले नै खेलाएको भए राम्रो हुने रहेछ” – रिकी पोन्टिङ

आइपिएल टिम दिल्ली डेयरडेभिल्सका प्रशिक्षक तथा अस्ट्रेलियाली टिमका पूर्व कप्तान रिकी पोन्टिङले नेपाली युवा क्रिकेटर सन्दीप लामिछानेको खुलेर प्रशंसा गरेका छन् ।

खेल सकिएपछि पत्रकारसम्मेलनमा उनले भने, ‘सन्दीपजस्ता युवा प्रतिभालाई आफ्नो टिमले पहिलादेखि नै मैदानमा उतारेको भए दिल्ली डेयरडेभिल्स पनि प्लेअफमा पुग्न सक्थ्यो ।’

उनले ३–४ वटा म्याच जित्ने अवस्था रहँदासमेत आफूहरुले गुमाउनु परेको बताए ।आइतबार मुम्बई इन्डियन्सविरुद्धको खेलमा हावी भएका सन्दीपका बारेमा पोन्टिङले टिप्पणी गर्दै भने, ‘मलाई विश्वास छ, सन्दीपले आइपिएलमा धेरै लामो यात्रा गर्नेछन् र सफल हुनेछन् ।’

उनले अगाडि भने, ‘शुरुमा पाँचवटा म्याच हामीले विपक्षी टिमको मैदानमा खेल्यौं, तीमध्ये एउटामात्र हामीले जित्न सक्यौं ।’ सुरुमै आफ्नो टिमले अनुभवी खेलाडीमाथि विश्वास गरेको उल्लेख गर्दै उनले भने, ‘हामीले अनुभवी खेलाडीमाथि विश्वास गर्‍यौं तर युवा खेलाडीले राम्रो प्रदर्शन गरे ।’

पोन्टिङले सन्दीप लामिछानेले पछिल्ला तीन खेलमा मौका पाएको उल्लेख गर्दै भने, ‘तीनवटै म्याचमा उनले राम्रो खेले ।’

दिल्लीका लागि सन्दीले पछिल्ला तीन खेलमा मौका पाएका थिए । उनले तीन खेलमा कुल पाँच विकेट लिए ।

कप्तान गौतम गम्भीरले कप्तानी छाडेपछि युवा खेलाडी श्रेयस अय्यरको काँधमा जिम्मेवारी आएको र उनले चुनौतीपूर्ण घडिमा त्यो जिम्मेवारीलाई राम्रोसँग निर्वाह गरेको पोन्टिङको भनाइ थियो ।

Related posts

Mastercard Gambling Enterprises: An Overview to Playing Online

अविलास

Beste Mastercard Online Gambling Establishments: An Informative Overview

अविलास

Best Skrill and Neteller Casinos: A Comprehensive Guide

अविलास

Leading Gambling Establishments that Approve Neteller

अविलास

Online Live Roulette Bonus: A Comprehensive Overview

अविलास

Understanding Online Casino Bonuses

अविलास

Notice: ob_end_flush(): failed to send buffer of zlib output compression (0) in /home/enepal/public_html/wp-includes/functions.php on line 5349