अनमोल केसीको ड्रिम्स पछि अर्को सशक्त अभिनय रहेको चलचीत्र गाजलु अब मेल्बोर्नमा लाग्ने भएको छ।नेपाल र अस्ट्रेलीयामा एकै साथ रिलीज गर्न आँटेको गाजलु रोहित अधिकारीले निर्माण गरेका हुन्। अनमोल केसीको अपोजीसनमा २०१२ कि मिस नेपाल सृष्टि श्रेष्ठले अभिनय गर्दै छिन्।
‘गाजलु’ पूर्वकुमारीको कथा हो, कुमारी घरदेखि बाहिर आएपछि उनको जीवन कसरी अघि बढ्छ र परिवर्तन आउँछ भन्ने नै फिल्मको कथा हो ।फिल्ममा उनी पूर्व कुमारीको भूमिकामा रहेकी छिन्।यसका अलावा सलोन बस्नेत, गौरव पहारी, मेनुका प्रधान, गौरी मल्ल, कृष्ण मल्ल, विश्व बस्नेत, रितिक शाही लगायतका कलाकारको अभिनय रहेको छ । ‘गाजलु’ ले पूर्व कुमारी देवीको कथा पस्केको बताइएको छ । पूर्व मिस नेपाल सृष्टिले यसै फिल्मबाट डेब्यु गर्न लागेकी हुन्।