आफ्नो बर्थडे मनाउन आफ्नी प्रेमिकालाई लिए होटलमा गएका एक युवक एक्कासी छाँगाबाट खसेझैं भए । उनले यस्तो होला भन्ने रत्तिभर पनि सोचेका थिएनन् । उनकी प्रेमिकाले होटलको कोठामै झुण्डिएर आत्महत्या गरेकी छिन् ।
ती युवती केही समय अघि मात्रै आफ्ना प्रेमीको जन्मदिन मनाउन त्यहाँ आएकी थिइन् । प्रेमी युवकले यस्तो होला भन्ने सपनामा पनि सोचेका थिएनन् ।प्रहरीले ती युवकलाई हिरासतमा लिएर सोधपुछ अगाडि बढाएको छ । भारतको हरियाणा राज्यको अंबाला शहरमा घटना भएको हो ।
होटल मालिकका अनुसार यो जोडीलाई उनले ‘आइडीप्रुफ’ लिएर कोठा दिएका थिए । लगभग २ घण्टापछि युवक आत्तिँदै चिच्याउँदै निस्केको देखेपछि उनीहरु त्यहाँ पुगेका थिए । त्यहाँ पुग्दा युवतीको मृत्यु भइसकेको थियो ।
यी दुवै कुरुक्षेत्रका भएको बताइएको छ । उनीहरु दुवै विवाह गर्न चाहन्थे । तर, युवकका परिवारले ती युवतीलाई स्वीकार नगरेको युवकले बताएका छन् ।तर उनले प्रेमिकाले किन आत्महत्या गरिन् भन्नेबारे केही बताउन सकेनन् । प्रहरीले बिवाहकै विषयमा दुईबीच विवाद हुँदा युवतीले यस्तो गरेको हुन सक्ने अनुमान गरेको छ ।
