eNepal

मादक पदार्थ नखुवाई मात लगाउने गायक राज सिग्देल

मैले मन दुखाऊन छोडे
अरुसंग रिसाऊन छोडे
दुख्नेपनि आफ्नै मन त हो
मैले आफुलाई सताउन छोडे………

कार्यक्रम सुरु भय पश्च्यात थर्नवरि थिएटरको मंचमा गुन्जिएको पहिलो प्रस्तुति थियो गाएक राज सिग्देलको यो | यी हरफहरु काफी भए मेरा लागि राज सिग्देल र उहाको गायन क्षमतालाई चीन्न | आहा ! यो पो त गीत | म ठुलो छाँगाबाट खसेको जस्तै भए | उंहाले गाएको ”उह जितेर गई या हारेर गई” भन्ने बोलको गित नेपाल आइडलको मंचमा बुद्ध लामाद्वारा सुन्ने अवसर पाएको थिए | त्यसपछि उहाको गीतसंगीतप्रतिको मेरो मोहले मलाई गजल नाइटसम्म डोर्याएको थियो | कार्यक्रम सुरु गर्न गरियको ढिलासुस्तीबाट असन्तुस्ट म , कार्यक्रम सुरु भए पश्च्यात यदाकदा हराउन पुगेछु | उनले गाएका हरेक गीत मेरो जीवनको चित्रण हो जस्तै मह्सुह भयो | साएद त्या उपस्थित हरेक कोहीलाई पक्कै मलाई जस्तै महसुस भयको हुनुपर्छ | उनको जादुमय आवाजले निकालेको सा, रे , ग,म ,प् को धुन संगै मस्त झुमिरहेको थियो हिजोको साँझ | प्रेम , मिलन-बिछोड , हर्ष, दुख अनि राष्ट्रभक्ति सबै समेटिएको उनका ती गीतहरुलाई वर्णन गर्ने साएद मसंग कुनै उपयुक्त सब्ब्दनै छैन | जति सुनेपनि अपुग लाग्ने उनको त्यो स्वोर बास्तवमै तारिफयोग्य छ | उनका गितहरुबाट कतिले आफ्नो दुख भुलाए, कतिले आफ्नो प्रेमी-प्रेमिकालाई सम्जीय, कतिले जीवनमा आउने अप्ठ्यारा परिस्थिहरुलाई सांगीतिक सब्दहरुको सहायेताले नजिकवाट मनन गर्ने अवसर पाए | उपस्थित सबैको जस्तै मेरो मन पनि उनका आवाजमा हरायो, कसैलाई महसुश गर्दै | यो माया हराएको सहर हो प्रिया, नजर दामी हजुरको , लागएतका गीतहरु भोलि गएर इतिहास रच्ने गीतहरु हुन् | उनको आवाजमा नारायणगोपालको गित सुन्न पाउदा मलाई कता कता मैले देख्न नपाएको नारायण गोपाल उंहानै होकी जस्तो समेत महासुस भयो | उन्हाको आवाज सुनेर नअघाएका हामी रातिको १ बजेको पत्तै पाईयन |
मादक पदार्थले भन्दा चर्को मात लगाउने उनको आवाज सुनेर म खुसि भए अनि थोरै दुखि पनि | त्यो समारोहमा उपस्थित मध्य मेरो उमेर समुहको म मात्र रहेछु | यानिकी मैले जस्तै धेरैले अझैपनि अवशर पाउनु भएको छैन ,नेपाली सुगम संगीतको उत्थानमा लागिपर्ने एस्ता स्रस्टाहरुको कला अनि कृतिहरुलाई नजिकबाट महसुस गर्ने | हजुरबुवा देखि बाबा ममी , अनि दाईदिदि सबैको मुखबाट सधै स्वोर सम्राट नारायण गोपाल , गोपाल योञ्जन, नाति काजी जस्ता सांगीतिक क्षत्रका अमर नामहरु सुन्दै आइरहेकी म , हरेक साँझ बिहान उंहाहरुकै गीत संगीतमा रमाउथे | नेपाली सुगम संगीतमा उहाहरुले पुर्याउनुभएको योगदान अतुलनिय छ | हाम्रो अहोभाग्य हो हामीमाझ नभएपनि यी बिशिस्ट श्रस्टाहरुको कृति आजसम्मपनि हामि गुनगुनाउछौ | तर अब ती स्रस्टाहरुको कृतिको जगेर्ना संगसंगै , राज सिग्देल जस्ता जीवित स्रस्टाहरुलाई पनि हामीले बिर्सनु हुन्न |

समयको परिवर्तन संगसंगै गीतसंगीत प्रतिको हाम्रो मानसिकतापनि बिस्तारै परिवर्तन हुदै आयो | संगीत भेषभुषा, जातजाति, धार्मिक अनि लैंगिक बिवेधबाट अत्यन्त टाढा छ | यसमा केवल हुन्छ त निर्मल, निश्चल अनि स्वोच्छ भावहरु जसमा हाम्रो मन मोहितभई मस्त तैरिरहंछ | यधपी, आधुनिकतामा लम्कीरहेको समाजको संगीतप्रतिको स्वाद बदलिदो क्रममा छ | हिजो नेपाली भाषामा मात्र अध्यन-अध्यापन गराईन्थ्यो आज नेपाली बिषयमात्र एउटा हुन्छ | हिजो नर्सिन्घे बाजा बजाएर दोहोरि गाउदै बिवाह गर्ने प्रचलनलाई आज आधुनिक बाजा र आधुनिक फास्ट ट्रयाकका गितहरुले दबाउदै छन् | झन् पश्चिमेली संस्कृतिबाट प्रवाभित हुदै गरेको हाम्रो संस्कृतिमा हलिवुड र बलिवुड दुवै गीतसंगीतहरुले मजाले स्थान ओगटीरहेका छन् | येसो हुनु नराम्रो पक्कै हैन | अरुको संस्कृतिको सम्मान गर्नु आफू हुर्किएको पृष्ठभूमिको बास्तविकता चित्रण गर्नु हो | तर , जसरि हामी हाम्रो लोकसंस्कृतिहरुलाई बिस्तारै पन्छ्याएर , अरुको संस्कृतिको उत्थान गरिरहेका छौ ,त्यो भने पक्कै सहि हैन | त्यसैले , आफ्नो गित संगीतको भाव आजै बुजाउ अनि अनि यसलाई गुमनाम हुनबाट बचाऊ |

Related posts

ग्रामपियन्स यात्रा सस्मरण- ग्रामपियन्स जंगलमा ॐकार ध्वनिको गुन्जन

Manoj Poudyal

यसरी मनाईयो मेल्बर्नमा ‘एभरेस्ट डे’ अर्थात सगरमाथा दिवस

Manoj Poudyal

काठमाडौं महानगरपालिकाको मेयरमा स्वतन्त्र उम्मेदवार वालेन्द्र साहको अग्रता कायमै

Manoj Poudyal

दिदीबहिनी समाज भिक्टोरीयाले यस बर्षको अन्तर्राष्ट्रिय महिला दिवस बिशेष तरिकाले मनायो

Manoj Poudyal

विदेशबाट नेपाल आउने स्वदेशी तथा विदेशीसँग खोप कार्ड भए पीसीआर रिपोर्ट नचाहिने

Manoj Poudyal

अभिनेता पल शाह आफैं प्रहरीसमक्ष उपस्थित हुँदै

Manoj Poudyal