रामबाबू गुरुङ निर्देशित मिस्टर झोलेको मेल्बोर्न प्रिमीएर २८ जनवरी आईतबार चाईना टाउन सिनेमा हलमा हुने भएको छ। मिस्टर झोलेमा दयाहाङ राई र दीया पुनका अलावा वर्षा राउत, बुद्धि तामाङ, विजय बराल, प्रविन खतिवडा, अरुणा कार्की लगायतको मुख्य भूमिका छ ।
रामबाबुकै कथा लेखन रहेको सिनेमामा निमेष श्रेष्ठको सम्पादन, कालीप्रसाद बाँस्कोटा/सुजेन कार्कीको संगीत, शैलेन्द्र डी कार्कीको छायाँकन र विक्रम स्वारको कोरियोग्राफी रहेको छ । सिनेमा आर्ट्स र टेकेन खड्का फिल्म प्रोडक्सनको व्यानरमा निर्मित सिनेमाको निर्मातामा टेकेन खड्का र कार्यकारी निर्मातामा रौनकविक्रम कँडेल छन् ।
मेल्बोर्न प्रिमीएर यहि जनवरी २८ र २९ मा गरेर दुई शो प्रदर्शन हुनेछ भने नायिका बर्षा राउतको रेड कार्पेट अर्को आकर्षण रहनेछ। मिस्टर झोलेको मेल्बोर्न शोको अधिकार नेप्ले ईभेन्ट्सले पाएको हो।