eNepal

मेल्बोर्नमा छठ पर्व २६ र २७ अक्टुबरका दिन दुई चरणमा मनाईदै

सुर्यको पुजा गर्दै मनाईने छठ पर्व यो बर्षपनि मेल्बोर्नमा धुमधामका साथ मनाईने भएको छ। भिक्टोरीयामा रहेको मधेसी समुदायले गएका सालहरु जस्तै यो बर्ष पनि २६ र २७ अक्टुबरमा दुई चरणमा यो पर्व मनाउन लागेको हो। २६ अक्टुबर साँझ ६:०० देखी ८:३० सम्म र २७ अक्टुबर बिहान ५:०० देखी ७:०० सम्म यो बिशेष पर्ब एड्वार्ड लेक पार्क रिजर्भोयरमा मनाईन लागिएको हो।

षष्ठी तिथीका दिन मनाईने छट पर्ब बिशेष गरेर नेपालको तराईमा मनाईने चलन चलि आएको छ। तराई क्षेत्र केन्द्रित छठ पर्व आजकाल नेपाल अधिराज्य भरीनै धुमधामका साथ मनाईने गरिएको छ। सद्भाव र भात्रृत्वका प्रतीकका रुपमा नदी, तालतलैया वा पोखरीमा श्रृङ्गारिएर तयार पारिएको घाटहरु, केराको थाम्बा अनि झिलीमिली बत्तीहरु बिचमा अस्ताउँदो र उदाउँदो सुर्यलाई दुधको अर्ग दिएर मनाईने चलन चलि आएको छ।

छठ पर्वमा बिशेष गरेर ठेकुवा, चामलको पिठोको भुसुवा र फलफुलहरुले आँगन सजाईन्छ अनि पुजा गर्दा उखु, केराको बोट, बेसार, अधुवा, नरिवल, जौ, भुसुवा, ठोकुवा, फलफुल र मिठाईहरु आबस्यक पर्दछ। यी खाध्यबस्तुहरुलाई साँझ बाँसले बुनेको छैँठीमा राखेर खोला, नदी किनारा वा पोखरीमा विधी पुर्वक शिरमा राखेर लैजाने चलन रहेको छ। जलाशयमा पसेर सो सामाग्रीलाई अस्ताउँदो सुर्यलाई अर्घ दिन्छन् र सोही अनुरुप भोली पल्ट उदाँउँदो सुर्यलाई पनि अर्घ दि्छन्। छठमा ब्रत बस्ने ब्रतालुले एक महिना देखी लसुन, प्याजका साथै माछा मासु नखाई बस्न पर्ने चलन रहि आएको छ।

Related posts

सुरु भयो धमाका २०७९ अष्ट्रेलिया टूर, सात शहरमा कार्यक्रम हुँदै

Manoj Poudyal

यसरी मनाईयो मेल्बर्नमा ‘एभरेस्ट डे’ अर्थात सगरमाथा दिवस

Manoj Poudyal

काठमाडौं महानगरपालिकाको मेयरमा स्वतन्त्र उम्मेदवार वालेन्द्र साहको अग्रता कायमै

Manoj Poudyal

दिदीबहिनी समाज भिक्टोरीयाले यस बर्षको अन्तर्राष्ट्रिय महिला दिवस बिशेष तरिकाले मनायो

Manoj Poudyal

विदेशबाट नेपाल आउने स्वदेशी तथा विदेशीसँग खोप कार्ड भए पीसीआर रिपोर्ट नचाहिने

Manoj Poudyal

अभिनेता पल शाह आफैं प्रहरीसमक्ष उपस्थित हुँदै

Manoj Poudyal