eNepal

जुरे, बालदिवस र साँपहरु (कसले खायो ? करोडौं रुपैयाँ)

त्यसो त नेपाली आहान छ “एउटाको जरो नखनी अर्काको ओखती हुन्न” । त्यो आहान सिन्धुपाल्चोकमा सत्प्रतिशत मेल खाएको छ । मानव वेचविखन, चन्दन तस्कर, सुन तस्कर, प्रकृतिको विपदहरुमा जिल्ला लुट्ने(सत्ताधारी, वर्दीधारी, कुर्सीधारी र विस्तारवादी एनजी‌ओआएनजीओ)हरुको मिलिभगतमा भएको एउटा अर्को दमदार ब्रम्हलुटको पछिल्लो उदाहरण हो यो ।

तातोपानी नाकाबाट तस्करी घटे पनि जुरे पहिरो र भुकम्प गएपछि खनिएका जरोहरुले थुप्रै कर्मचारी, राजनीति एवम् तथाकथित संघसंस्थाहरुको अचुकै ओखती भएको छ । कमाउने धन्दा भएको छ । आफू सप्रने माध्ययम भएको छ ।

सिन्धुपाल्चोक जुरेबाट अभिभाबक मरेपछि विस्तापित यी अवोधहरुको आर्तनाद र आँसुको श्राप जुरे पहिरोबाट उठेको राहत खानेहरुलाई लाग्ने छ । साँपले कुण्डली मारेर बसे झै बसेकाहरुले (देखिएको हिसाब राखेको २ करोड ४५ लाख) हिनामिना गर्न हिसाव नराखिएको करोडौ रुपैया पच पार्न लागि सकेका छन् । त्यही पीडाबाट पीडित भएका यी बालकहरु यति बेला सडकमा लागु औषधको दुर्व्यसनी भएर मगन्ते भएका छन् ।

यिनीहरुको अवस्था, यिनीहरुको वास्तविकता देखेपछि, सुनेपछि एकपल्ट फेरि शासन व्यवस्था प्रति प्रश्न- प्रतिप्रश्न गर्न मन लाग्छ- के यो देश यिनीहरुको हो ? यो संघीयलोकतान्त्रिकगणतन्त्र यिनीहरुको लागि पनि हो ? त्यसै रगत उम्लन खोज्छ, च्याठि्ठन मन लाग्छ र भन्न मन लाग्छ-“संघीयलोकतान्त्रिकगणतन्त्र -मुर्दावाद” ।

“बाल मैत्री शासनः बाल अधिकारको सम्मान, बालबालिकाको क्षेत्रमा लगानी बढाऔं, शान्त र सम्वृद्ध नेपालको निर्माण गरौं” भन्ने नाराहरु फलाक्दै यति बेला जिल्लामा बाल दिवस मनाउने अग्रपङ्तीमा तिनै साँपहरु छन् । ठूला कुरा तिनै गर्ने गर्छन । धिक्कार छ यस्ता बालकहरुको स्वर्णीम भविष्य घटोला गरेर तिमीहरुले कमाएको धनले सधै पोलोस् । कहिल्यै जय नहोस् । खिईँदै जाऊन तिम्रा प्रगतिका हर पथहरु ।

देश विदेशबाट एकत्र भएका राहत सामग्री, करोडौं-करोड पैसा छ, छ, छ भनिरहेको छ प्रशासन तर यी बालबालिकाको हालत यस्तो छ । १ सय ५० भन्दा बढी विस्तारवादीहरु(एनजीओआएनजीओ) यो गर्यौं त्यो गर्यौं भनेर ४६ अरब भन्दा बढी खर्च भएको हुईऽऽया पिटिरहेका छन् । कसलाई के गर्यौ भनेर सोध्ने को ? सबै मिलेका छन् । मनपरी छूट दिएका छन् । कागजी प्रलापमा संसारै बदलेको हौवा छरिएको छ । र वास्तविकता यस्तो छ । यो त एउटा प्रतिनिधि दृष्य मात्र हो ।

श्राप लागोस्- पापीहरुलाई जो अर्काको आँसु झारेर आफू हाँस्छ, अरुलाई मारेर आफू बाँच्छ ।
Amit Ghimireजिको वालबाट साभार

Related posts

ग्रामपियन्स यात्रा सस्मरण- ग्रामपियन्स जंगलमा ॐकार ध्वनिको गुन्जन

Manoj Poudyal

काठमाडौं महानगरपालिकाको मेयरमा स्वतन्त्र उम्मेदवार वालेन्द्र साहको अग्रता कायमै

Manoj Poudyal

दिदीबहिनी समाज भिक्टोरीयाले यस बर्षको अन्तर्राष्ट्रिय महिला दिवस बिशेष तरिकाले मनायो

Manoj Poudyal

विदेशबाट नेपाल आउने स्वदेशी तथा विदेशीसँग खोप कार्ड भए पीसीआर रिपोर्ट नचाहिने

Manoj Poudyal

अभिनेता पल शाह आफैं प्रहरीसमक्ष उपस्थित हुँदै

Manoj Poudyal

नायक पल शाहविरुद्ध नाबालिगमाथि यौनजन्य अपराध गरेको आरोपमा जाहेरी दर्ता

Manoj Poudyal