उत्तर अमेरिकी देश मेक्सिकोमा ८ म्याग्निच्यूडको भूकम्प गएको छ । बिहीबार राति मेक्सिकोको पिजीजीपन शहरभन्दा ८७ किलोमिटर टाढा प्रशान्त महासागरमा ७० किलोमिटर गहिराइ केन्द्रविन्दु भएर भूकम्प गएको अमेरिकी भौगर्विक संस्था ‘यूएसजीएस’लाई उद्धृत गर्दै बीबीसीले खबर दिएको छ ।
भूकम्पका कारण मेक्सिका साथै ग्वाटेमाला, एल साल्भाडोर, कोस्टारिका, निकारागुआ, पनामा, होन्डुरस लगायतका देशमा सुनामीको चेतावनी दिइएको छ । भूकम्पका कारण भवनहरु जोडले हल्लिएको र मानिसहरु सडकमा दौडिएको दृश्य देखिएको बीबीसीले खबर दिएको छ । भूकम्पबाट भएको क्षतिको विवरण आइनसकेको बताइएको छ ।
यसअघि सन १९९५ र सन १९८५ मा पनि मेक्सिकोमा ८ म्याग्निच्यूडको भूकम्प गएको र जसले ठूलो धनजनको क्षति भएको बीबीसीले जनाएको छ
श्रोत: एजेन्सी
