जहाँ जहाँ कला, संस्कृति र साहित्यको कुरा निस्किन्छ , त्यहाँ त्यहाँ नेपाल र नेपालपनले सधै अग्र स्थान ओगट्छ | स्वोदेश होस् या विदेश, आफ्नो कला, संस्कृति जोगाउन निरन्तर क्रियाशील छन् हाम्रा नेपाली |
एक्काईसौ सताब्ब्दी अहिले | समयले ठुलो फड्को मारेको छ | विभिन्न देशका विभिन्न भाषामा रचित कृतिहरु सजिलै पढ्न र सुन्न पाइन्छ | आज हामी नेपाली, नेपाली भाषा मात्र नभई अंग्रेजी, हिन्दि, कोरियन, मलेसियन लगाएत अन्य थुप्रै बिदेशी भाषाहरु बोल्छौ |
नारायण गोपाल र नातिकाजी मात्र होइन केल्भिन हरिश र रिहाना सम्मका गित संगीत रुचाऊछौ | आफ्नो मात्र नभई अरुको कला र प्रतिभा समेतको सम्मान गर्छन हाम्रो नेपाली मन |
मातृभूमिको न्यानोपन अन्त खोजेर कहाँ पाईन्छर ? भानुभक्त र पारिजातका जस्ता अमर कृतिहरु कहाँ भेटिन्छर | माधब प्रसाद घिमिरेको कविता सुन्ने बित्तिकै रमाउने हामी नेपालि, कहाँ बिर्सन्छौ र यस्ता महान व्यक्तिद्वारा रचित काब्यहरुलाई | यिनै हस्तीहरु त हुन्, आफ्ना कृतिहरुले नेपाली कला संस्कृतिलाई बिस्वोमा परिचित गराउने |
आफ्नो यहि कला र संस्कृति जोगाउने र यस्ता महान हस्तीहरुलाई सम्मान गर्ने हेतुले, आगामी सेप्टेम्बर ९-१० तारिखमा पश्चिम अस्ट्रेलियामा अन्तराष्ट्रिय साहित्त्य समाजको आयोजनामा पाचौ अन्तरास्ट्रिय साहित्य सम्मेलन हुन लागिरहेको छ | नेपाली भाषा र साहित्यलाई उत्थान गरौ भन्ने मूल आसयका साथ हुन गईरहेको उक्त कार्यक्रम यहि आउने सेप्टेम्बर ९-१० तारिखका दिन बिहान ९ बजे देखि सुरु भयर करिब ५ बजे समापन हुने जानकारी प्राप्त भयको छ |
हिमालयन नेपलिज रेस्टुरेन्ट यन्ड क्याफे, एवेरेस्ट प्रोपर्टी यन्ड फाईन्यान्स लगायतका कम्पनीहरुको मुख्य स्पोन्सरमा सुचारु हुन लागेको यस कार्यक्रमलाइ अन्य थुप्रै कम्पनिहरुले आफ्नो साथ सहयोग गर्नु भयको छ |
अस्ट्रेलियाको जुनसुकै क्षत्रमा बस्नुहुने सम्पूर्ण नेपालीहरु यस कार्यक्रममा आफ्नो सहभागिता जनाउन सक्नुहुनेछ | साहित्य पुजारीहरुको लागि यो पक्कै सुनौलो अबशर बन्नेछ आफ्नो देशको कला र भाषाको उत्थानको लागि | कार्यक्रममा सहभागी हुन इक्षुक जो कोहिले पनि समय मिलायर आफ्नो सहभागिता जनाऊन सक्नुहुनेछ | प्राप्त जानकारी अनुसार यस कार्यक्रमको भेनु निम्न उल्लेख गरियको छ :
The Macedonian Community of WA
51 Albert St North Perth WA 6006
नबिर्सिनोस! नेपाली कला र साहित्यको जगेर्ना, तपाई हाम्रो जिम्वेवारी |
