करिब दश बर्षको अन्तराल पछि नेपाली सङ्गीतका अनुयायीहरुलाई बरिस्ठ कर्णप्रिय गायक कर्ण दासले आफ्नो स्वरबाट मन्त्रमुघ्ध बनाए। नेपाली सुगम सङ्गीतमा रिक्त रहेको उनको साङ्गीतिक योगदानलाई मूर्तरूप दिन केही बर्षको अमेरीका बसाई पछि आफ्नो देश नेपाल फर्केर फेरी आफ्नो साङ्गीतिक यात्रालाई निरन्तरता दिने बताएका छन्।
कास्की पोखरामा २४ नोभेम्बर १९७४मा जन्मेका यी गायक मध्यान्न ब्यान्डसँग आबद्द छन्। भर्खरै मात्र दर्शक माझ ठुलो आशा सहित आशा एल्बम् लिएर पुनर्आगमन गरेका कर्ण दासले हिजो मेल्बोर्नको थोनबरी थिएटरमा आफ्नो दर्शकहरुको लागि उनका कालजयी गीतहरु प्रस्तुत गरेका थिए। ठुला ठला महल हैन, पुरानो डुङ्गा, फर्कि आउ शान्ती तिमी, मन मनै, जिन्दगीको के भरोसा जस्ता नेपाली मनमा बस्न सफल गीतबाट दर्शकलाई मनोरन्जन दिएका थिए। सम्योगनै भन्नु पर्छ नेपालमा महाभुकम्प गएको बर्ष दिन भएकोले हुनसक्छ, रास्ट्रीय भावनाले अोतप्रोत भएका गीतहरु गाइरहँदा दर्शकदिर्घा भाबुक भएका थिए।
सेभेन ईपिक ईन्टर्टेनमेन्टले आयोजना गरेको कर्ण दास मेलोडिएस साँझ सफल रहेको आयोजक मध्यका एक उज्वल घिमीरेले हामीलाई बताए। सबै प्रायोजक, समर्थक र दर्शकलाई धन्यबाद ज्ञापन दिदै करिब छ घण्टापछि कार्यक्रम समापन भएको थियो।
