नेप्लिज एसोसिएसन अफ भिक्टोरियाले रोयल वेस्टर्न क्लबसँगको सहकार्यमा आयोजना गरेको तेश्रो न्याभ बहुसाँस्कृतीक सकर प्रतियोगिताको उपाधी रोयल वेस्टर्न क्लबले हात पारेको छ।
प्रतियोगिताको फाइनल खेलमा हिमालयन टाईगर्स एफसीलाई ३-१ को गोल अन्तरले हराउँदै रोयल वेस्टर्न क्लवले उपाधि उचालेको हो ।
व्यक्तिगत विधातर्फ प्रतियोगिताको उत्कृष्ट गोलरक्षक रोयल वेस्टर्नका रोहित कार्की चुनिए । त्यस्तै प्रतियोगिताभरि समान ४–४ गोल गरेका रोयल वेस्टर्नका रबी थिंग, हिमालयन टाईगर्सका श्रृजन भण्डारी र सुडान एफसीका अब्दुला हमाद संयुक्त रुपमा सर्वाधिक गोलकर्ता बने ।
त्यसैगरी प्रतियोगिताको अनुशासित टिम थण्डर ड्रेगन एफसी चुनीयो भने प्रतियोगिता कै सर्वोत्कृष्ट खेलाडी विजेता टोली रोयल वेस्टर्नका अमिर श्रेष्ठ घोषित भए ।
खेलाडीहरुलाई अवार्ड ट्रफी र प्रमाण पत्र न्याभका अध्यक्ष अध्यक्ष प्रेमराज उप्रेती, वेस्टर्न मेट्रोपोलीटियनका सांसद एवम् बहुसांस्कृतिक मामिलाका लागि स्याडो संसदीय सचिव ट्रुङ लुउ , विशेष अतिथि भिक्टोरियन बहुसांस्कृतिक आयोगका डेपुटी च्यरमेन Bwe Thay, रोयल वेस्ट्रन क्लबका उपाध्यक्ष द्वय रोशन दाहाल र निर्मला शर्मा, अस्ट्रेलियन नेपाली बहुसांस्कृतिक केन्द्रका अध्यक्ष गान्धी भट्टराई ब्राइटन कलेज का प्रबन्ध निर्देशक अमरराज आचार्य, एक्सपर्ट एजुकेसन एण्ड भिषा सर्भिसेजका प्रबन्ध निर्देशक बसन्त पोखरेल र मणि रतन सापकोटाले बितरण गर्नु भएको थियो। कार्यक्रमको संचालन न्याभका सचिव माधव खरेलले गरेका थिए।
ब्राईटन कलेज र एक्सपर्ट एजुकेशनको विशेष प्रायोजन र सहयोग रहेको प्रतियोगितामा कुल ११ टोलीहरुले सहभागिता जनाएका थिए। बहुसांस्कृतिक फुटबल प्रतियोगिता मार्फत CALD समुदायहरू बीच शान्ति सद्भाव र एकता प्रवर्द्धन गर्न न्याभले आयोजना गर्दै आएको यस प्रतियोगीतालाई समुदाएमा बिशेष महत्वका हेर्ने गरिन्छ।
