अस्ट्रेलियन नेपाली बहुसांस्कृतिक केन्द्रले यो बर्षको बढा दशैंको शुअबसर पारेर इतिहाँसमानै पहिलो पटक आफैले खरिद गरेको स्थलबाट पूरोहितद्वारा पुजापाठ गरिएको जमरा निशुल्क बाढ्ने भएको छ। जमरा बितरणको कार्यक्रम भोली बिहान आठ बजेबाट गरिने छ।
घटस्थापनाको अबसर पारेर डिगर्स रेस्टमा खरिद गरेको १०० डण्कन्स लेन परिसरमा अवस्थित घरमा स्थानीय पुजारीद्वारा पुजा पाठ गरि जमरा रोपीएको थियो।
भवन परिसरमा घटस्थापनाबाट हरेक बिहान र साँझ पुजा अर्चना हुँदै आएको छ।
आज महानवमी अर्थात नवरात्रीको अन्तिम दिन पनि बेलुका ५ बजेबाट बिगत ९ दिन देखि गरिएको चण्डि पाठको समापन, देवि दुर्गाको हवन, देवि दुर्गाको पुजा आराधना एवम आरतिी सहित देवीका प्रतिक कन्याकुमारिको पुजाको पनि कार्यक्रम रहेको हुँदा सपरिवार सहित आफ्नो छोरीलाई लिएर मन्दिरमा उपस्थित हुन आयोजकले अनुरोध गरेको छ।
यससगै यदि कोहि कन्याहरुको पुजागर्न इच्छुक हुनुहुन्छ भनेपनि आज बेलुका ५ बजे उपस्थित हुनु अनुरोध गरिएको छ।
आज बेलुकाको कार्यक्रमको कार्यतालिका यस्तो रहेको छ.
बेलुका ५:०० देखि ५:३० सम्म हवनको कार्यक्रम
बेलुका ५:३० देखि ६:०० सम्म देवि दुर्गाको पुजा एवम आरती
बेलुका ६:०० देखि ७:०० सम्म कन्या पुजा
बेलुका ७:०० देखि ८:०० भजन किर्तन एवम प्रसाद बितरण
अस्ट्रेलियन नेपाली बहुसांस्कृतिक केन्द्रले गएको अक्टोबर १ गते शनिबार आफ्नै भवनमा दशैं बिशेष कार्यक्रम भव्यताका सम्पन्न गरेको छ। पर्वलाई एक उत्सवको रुपमा मनाउने हेतुले केन्द्रले औपचारिक सत्र, सांस्कृतिक प्रदर्शन र पुजापाठ लगाएत भजनको साथमा मनाएको थियो। आफ्नै भूमिमा भएको पहिलो कार्यक्रममा ठुलो सङ्ख्यामा नेपालीहरूले उपस्थिति जनाएका थिए।
