eNepal

अस्ट्रेलियन एजुकेशन कन्सलट्यान्ट्स एलाइन्सको अध्यक्षमा रामचन्द्र पौड्याल निर्विरोध चयन

अस्ट्रेलियन एजुकेशन कन्सलट्यान्ट्स एलाइन्स (एक्का)को अध्यक्षमा रामचन्द्र पौड्याल सर्वसम्मत चयन भएका छन् ।गत शुक्रवार सम्पन्न छैठौँ अधिवेशनले ग्रेस ईन्टरनेशनलका फाउण्डर रामचन्द्र पौड्यालको अध्यक्षतामा २ वर्षका लागि नयाँ नेतृत्व चयन गरेको हो ।

अध्यक्षमा ४ जनाको दाबी रहेपनि २ जनाको मात्रै उम्मेदवारी दर्ता भएको थियो । तर अन्तिममा अध्यक्षमा दाबी सहित परेको उम्मेदवारी सहमती सहित फिर्ता भएपछि पौड्याल अध्यक्षमा निर्विरोध निर्वाचित भएका हुन् ।

नवगठित समितिको उपाध्यक्षमा कोमल राज पाठक, योगेन्द्र पौडेल, सूर्यभक्त खनाल चयन भएका छन् । त्यस्तै गरि सचिवमा दिनेश खनाल, सहसचिवमा भुवन पाण्डे, सेक्रेटरीमा सत्यप्रकाश कडेंल र सदस्यहरूमा सुमन अधिकारी, राम चालिसे र सृष्टि शाह चयन भएका छन् ।बाँकी रहेका कार्यसमिति संस्थाको पहिलो बैठकबाट चयन हुनेछन् ।

अध्यक्षमा निर्वाचित भएसँगै पौडेलले आफूमाथि विश्वास गरेकोमा सबै एक्काका सदस्यहरूलाई धन्यवाद दिदै शैक्षिक क्षेत्रलाई थप भरपर्दो, सम्मानजनक र व्यावसायिक बनाउन हाम्रो समुदायका सबै मूल्यवान सरोकारवालाहरूसँग मिलेर काम गर्ने बताए।

उनले राष्ट्रिय तथा अन्तराष्ट्रिय स्तरमा समन्वय गरेर अगाडी बढ्ने र नेपाली तथा अस्ट्रेलियामा रहेका अन्य सघंसंस्थाबीच समन्वयकारी भुमिका निर्वाह गरी एजुकेशन र माईग्रेशन दुबै पक्षलाई अगाडी बढाउँदै लैजाने जानकारी गराए। उनले नेपाल र अस्ट्रेलियाबीचको सम्बन्ध सुधारका लागि समेत काम गर्दै विद्यार्थीहरुका तमाम समस्या समाधान गर्न सदैव प्रतिबद्ध रहने बताए ।

साधारण सभामा विशेष ज्ञान, सीप र अनुभव भएका विभिन्न वक्ताहरूको उपस्थिती रह्को थियो। कार्यक्रममा हन्टर फ्लडकी वकिल किम हन्टर, क्वान्टम कानून समूहबाट जिले यू र जुस्टिनको उपस्थिती रहेको थियो।

वार्षिक साधारण सभामा इन्टरनेशनल स्टुडेन्ट एजुकेशन एजेन्ट्स एसोसिएसन (ISEAA) र अस्ट्रेलियन एजुकेशन कन्सलट्यान्ट्स एलाइन्स (एक्का) का प्रतिनिधिहरूले नेपाली अन्तर्राष्ट्रिय विद्यार्थीहरूको पारस्परिक हित र उच्चतम् कल्याणको लागि भविष्यमा सहकार्य गर्न सहमत भएका थिए।

सत्रलाई नेपाली मूलका युवा उदारवादी नेता प्रमेज श्रेष्ठ, जर्जस रिभर काउन्सिलका निक स्मर्डेली र पार्लियामेन्टकी सदस्य वेन्डी एलिजाबेथ लिन्डसेले सम्बोधन गरेका थिए।

पूर्व अध्यक्ष भुपाल सिटौलाले आफुलाई आफ्नो कार्यकाल सम्पन्न गर्न सहयोग गर्ने सम्पूर्णलाई धन्यवाद व्यक्त गरे ।

सोही दिन नवनिर्वाचित समितिको पहिलो बैठक बसेको थियो।बैठकले जनसम्पर्क अधिकृतमा श्राम चालिसे र संस्थाको प्रवक्तामा सुश्री सृष्टि शाहलाई नियुक्त गरेको थियो ।

निर्वाचन आयोगका पूर्वअध्यक्ष निरज श्रेष्ठको संयोजकत्वमा सदस्य भरतमणि देवकोटा र शरद भुसाल रहेका थिए । निर्वाचित समितिलाई श्रेष्ठले सपथ ग्रहण गराएका थिए।

२०१२ मा स्थापना भएको संस्थाको संस्थापक अध्यक्ष विवेक थापा हुन् । अस्टेलियामा रहेका एजुकेशन कन्सल्टेन्सीहरुलाई एकताबद्ध गर्दै आचारसहिंता र अन्य विविध सहयोगीको रुपमा काम गर्दै आईरहेको छ ।

Related posts

रोयल वेस्टर्न्स क्लबको आयोजनामा रक्तदाता सम्मान कार्यक्रम सम्पन्न

Manoj Poudyal

चितवन क्रिकेट क्लव मेल्बर्नले गर्यो जर्सी रिभील, राष्ट्रिय क्रिकेट खेलाडी किशोर महतो सम्मानीत

Manoj Poudyal

रोयल वेस्टर्न्स क्लबको आयोजनामा तिन दिने रक्तदान कार्यक्रम सफलतापुर्बक सम्पन्न

Manoj Poudyal

१९औं न्याभ कप आयोजना हॅुदै, १७ वटा समूहहरुले प्रतिस्पर्धा गर्ने

Manoj Poudyal

मुक्तककार सुशील चालिसेको शब्द रहेको “सररर हावा चल्यो” गीतको म्युजिक भिडियो सार्वजनिक

Manoj Poudyal

यसरी समापन गरियो मेल्बर्नमा छठ पर्व, ७ सय भन्दा बढी श्रध्दालुहरु सहभागी

Manoj Poudyal

Notice: ob_end_flush(): failed to send buffer of zlib output compression (0) in /home/enepal/public_html/wp-includes/functions.php on line 5349