‘संस्कृति संरक्षण गरौँ, आशा बढाऔँ’ भन्ने नाराका साथ दिदीबहिनी समाज सेपार्टन शाखाले यस बर्षको तीज कार्यक्रम भव्यताका साथ आयोजना गर्ने भएको छ।
आगामी २८ अगस्ट साँझ ५ बजेबाट ९ बजेसम्म सेपार्टन मेसोनीक सेन्टर 161 Welsford St, Shepparton Vic 3630 मा हुँदैछ।
कार्यक्रमलाई एथनिक काउन्सिल अफ शेपार्टन र डिस्ट्रिक्ट इन्कले पूर्ण रूपमा प्रायोजन गरेको छ भने नेपालीहरुको छाता संस्था एनआरएनए गैरआवासीय नेपाली संघबाट समेत सहयोग प्राप्त भएको छ ।
कार्यक्रम आयोजक मीना मल्लले बहुसांस्कृतिक र स्थानीय समुदायबाट धेरै राम्रो प्रशंसा र प्रतिक्रिया पाइरहेका जानकारी गराउनु भएको छ। दोस्रो पुस्तालाई संस्कृतिको बारेमा जानकारी दिनका साथै दिदीबहिनीहरुलाई एक–आपसमा एकताबद्ध गराउन र महिला सशक्तीकरणमा यस्ता कार्यक्रमले ठूलो भूमिका खेल्ने मल्लको भनाई छ। यस कार्यक्रम मार्फत दिदी-बहिनी समाज भिक्टोरियाले बहुसांस्कृतिक समुदायहरूमा नेटवर्क विस्तार गर्नेछ।
यस कार्यक्रमबाट उठेको सहयोग रकम नेपालमा घरेलु हिंसाबाट बाँचेकाहरूलाई आशा पुन: जगाउन र पुन: एकीकरण गर्न मद्दत गर्नेछ ।
यस्ता खालका कार्यक्रमहरुले परिवार र समुदायहरू बीच प्रेम, शान्ति र आनन्द फैलाउन र सीमाना बाहिर हाम्रो सामन्जस्यपूर्ण नेटवर्क विस्तार गर्न उत्प्रेरकको भूमिका खेल्नेछ।
दिदी बहिनी समाज शेपार्टन एकाइले हरेक बर्ष बिभीन्न सामाजीक एवम् साँस्कृतीक कार्यक्रमहरुको आयोजना गर्दै सामुदायिक मानसिक स्वास्थ्य र कल्याणको अभिवृद्धिका साथै सामुदायिक ऐक्यबद्धतालाई समृद्ध बनाउँदै समुदाय सशक्तिकरणको प्रगतिका विवीध गतिबिधी गर्दै आएको छ।
