eNepal

अष्ट्रेलियामा धमाका २०७९ हुने, रचना रिमालले पहिलो पटक अष्ट्रेलियामा प्रस्तुति दिँदै

केविसी अष्ट्रेलियाको आयोजनामा आगामी जुलाईको २२ तारिखदेखि अगष्टको ७ तारिखसम्म अष्ट्रेलियाका विभिन्न ७ शहरहरुमा आयोजना गर्न लागिएको धमाका २०७९ को आयोजना हुँदैछ । अष्ट्रेलियाको पर्थ, तास्मानियाको लन्चेष्टन, मेलबर्न, ब्रिसबेन, सिड्नी, राजधानी क्यानबेरा र एडिलेडमा हुन लागेको यो सांगीतिक प्रस्तुति तीजको पूर्वसन्ध्यामा समेत परेका कारणले यसलाई केही शहरहरुमा तीज धमाका २०७९ को रुपमा पनि सञ्चालन गरिनेछ ।

कार्यक्रमलाई केविसी अष्ट्रेलियाले स्थानीय नेपाली सामूदायिक संघसंस्था र ईभेन्ट अर्गनाईजरहरुसँगको सहकार्यमा धमाका २०७९ गर्न लागेको हो । पर्थमा वी केयर नेपालले आयोजना गर्दैछ । मेलबर्नमा गुल्मी समाज, केइसी समाज लगायतले आयोजना गर्नेछन् भने एडिलेडमा गिरिश ईभेन्टसले कार्यक्रम आयोजना गर्नेछ । नेपाली लोक तथा दोहोरी क्षेत्रका चर्चित गायक पशुपति शर्मा, नेपाली संगीत आकाशकी चर्चित गायिका रचना रिमाल, हाँस्यव्यंग्य विधामा आफ्नै छुट्टै पहिचान बनाउन सफल सुवोध गौतम र काकु चरित्र मार्फत हाँस्यविधामा अमिट छाप छोड्न सफल दिपक आचार्यले यो अष्ट्रेलियाव्यापी सांगीतिक कार्यक्रममा आफ्ना प्रस्तुति दिनुहुनेछ । गायिका रचना रिमाल पहिलो पटक अष्ट्रेलियामा सांगीतिक कार्यक्रम प्रस्तुतिका लागि जाँदै हुनुहुन्छ । गायक पशुपति शर्माले कैयौं पटक अष्ट्रेलियाका दर्जनौं शहरमा आफ्नो प्रस्ततिले यहाँका दर्शकमाझ अमिट छाप छोडिसक्नुभएको छ भने सुुवोध गौतम र दिपक आचार्यले पनि यसअघि अष्ट्रेलियामा आफ्नो हाँस्यव्यंग्य प्रस्तुतिले त्यहाँका दर्शकहरुलाई मनोरञ्जन प्रदान गर्नुभएको छ ।

अष्ट्रेलियाव्यापी यो सांगीतिक भ्रमणलाई नेपाल र अष्ट्रेलियामा शैक्षिक परामर्श प्रदान गरिरहेको ग्रेस ईन्टरनेशनल एजुकेशन एण्ड भिसा सर्भिसेज र मेलबर्नमा केन्द्र रही रियलस्टेटको क्षेत्रमा अमिट छाप छोड्न सफल ब्लूबेरी रियलस्टेटले प्रायोजन गरेका छन् । यससँगै स्थानीय शहरहरुमा अन्य नेपालीहरुले सञ्चालन गरेका विभिन्न व्यवसायहरु पनि यो अभियानमा जोडिँदैछन् ।

मुख्य प्रायोजक ग्रेस ईन्टरनेशनलले सन् २००६ देखि हालसम्म २५ हजारभन्दा बढी विद्यार्थीहरुलाई आफ्नो सेवा प्रदान गरिसकेको छ । ग्रेसको कार्यालय अष्ट्रेलियाको मेलबर्न, सिड्नी, एडिलेड, पर्थ, ब्रिसबेन, होबार्ट र क्यानबेरामा रहेका छन् । यस्तै नेपालको काठमाडौंको बानेश्वर, पुतलीसडक, चितवन, हेटौंडा, विराटनगर, पोखरा, दमक, पर्सा, बुटवलमा कार्यालय रहेका छन् । यस्तै ग्रेस ईन्टरनेशनलको भारतको नयाँदिल्ली, पाकिस्तानको ईस्लामावादमा समेत कार्यालय रहेको छ ।

केविसी अष्ट्रेलियाले आफ्नो सामूदायिक दायित्वलाई बहन गर्दै यस पटकको यो कन्सर्टमध्ये ब्रिसबेनको कन्सर्टबाट प्राप्त हुने सबै रकमलाई त्यहाँ नेपाली समूदायले बनाउन लागेको बहुसांस्कृतिक केन्द्र निर्माणका लागि सहयोग गर्ने निर्णय गरेको छ । ब्रिसबेनको कार्यक्रम मुख्यतः यही सांस्कृतिक केन्द्र बनाउने अभियानको फन्डरेजिंगका रुपमा मनोरञ्जनात्मक कार्यक्रमकाबीच सञ्चालन गरिनेछ ।

Related posts

रोयल वेस्टर्न्स क्लबको आयोजनामा रक्तदाता सम्मान कार्यक्रम सम्पन्न

Manoj Poudyal

चितवन क्रिकेट क्लव मेल्बर्नले गर्यो जर्सी रिभील, राष्ट्रिय क्रिकेट खेलाडी किशोर महतो सम्मानीत

Manoj Poudyal

रोयल वेस्टर्न्स क्लबको आयोजनामा तिन दिने रक्तदान कार्यक्रम सफलतापुर्बक सम्पन्न

Manoj Poudyal

१९औं न्याभ कप आयोजना हॅुदै, १७ वटा समूहहरुले प्रतिस्पर्धा गर्ने

Manoj Poudyal

मुक्तककार सुशील चालिसेको शब्द रहेको “सररर हावा चल्यो” गीतको म्युजिक भिडियो सार्वजनिक

Manoj Poudyal

यसरी समापन गरियो मेल्बर्नमा छठ पर्व, ७ सय भन्दा बढी श्रध्दालुहरु सहभागी

Manoj Poudyal

Notice: ob_end_flush(): failed to send buffer of zlib output compression (0) in /home/enepal/public_html/wp-includes/functions.php on line 5349