सन् २०१७ मा मेल्बर्नका केहि समाजका सक्रिय सदस्यहरुद्वारा स्थापित भएको हिमालयन फुटबल क्लबले सन् २०२१/२०२२ को लागि क्लवको प्रायोजकका साथै नयाँ समिती र सल्लाहाकार घोषणा गरेको छ।
गत साता मेल्बर्नको मुस्ताङ प्यालेस, सिड्नी रोड, कोबर्गमा हिमालयन फुटबल क्लब प्रायोजन सम्झौता एबम् पत्रकार सम्मेलन आयोजना गर्दै प्रायोजकहरुका साथै नयाँ कार्ययमिती समेत गठन गरेको हो।
उक्त भेलाले समितिका सदस्यहरु चयन गरेको छ।समितीको अध्यक्षमा मनोज राई चयन भएका छन् भने उपाध्यक्ष/संयोजकमा शुभम राई चुनीएका छन्।सचिवमा विकास गुरुङ, जनसम्पर्क अधिकारी/वरिष्ठ सल्लाहाकारमा सन्तोष गुरुङ, कोषाध्यक्षमा दीया राई र मिडिया म्यानेजरमा छत्र ह्याङ सुब्बा चयन भएका छन्। समितीका सदस्यहरुमा सुशन थापा मगर, सुदीप तामाङ, समीर पुन मगर, आयुष बस्नेत, सुवि राई चयन भएका छन् भने सल्लाहकारमा अर्जुन ढकाल, बबिन मिश्र, प्रकाश आचार्य र प्रायोजक प्रबन्धकमा सुमन अधिकारी चयन भएका छन्।
सामुदायिक खेलकुद सम्बन्धी गतिविधिहरूलाई सक्रिय रूपमा अगाडी लैजानका साथै खेलकुदमार्फत खेलाडीहरुको प्रवर्द्धन र विकास गर्न गठन गरिएको हिमालयन फुटबल क्लब मेलबर्नको स्थापित क्लबहरू मध्ये एक हो।
हिमालयन फुटबल क्लबले स्थानीय समुदायमा समेत सक्रिय योगदान गर्दै बिभीन्न परोपकारी कार्यक्रमहरुमा सक्रिय भूमिका खेल्दै सामुदायिक टूर्नामेंटहरूका साथै अन्तर राज्य प्रतियोगिताहरूमा भाग लिदै आइरहेको क्लवका सचिव विकास गुरुङले जानकारी गराउनु भयो।
सोही कार्यक्रममा क्लबले सन् २०२१/२०२२ सिजनको लागि आधिकारिक प्रायोजकहरू घोषणा गरेको छ। मुख्य प्रायोजकको रुपमा शैक्षिक परामर्शदाता शोल्भ एजुकेसनका सुमन अधिकारी र बबिन मिश्र रहनु भएको छ भने अन्य प्रायोजकहरुमा ब्लू लोटस कलेजका राजेश आचार्य, क्यापकन होम लोन मेलबोर्नका प्रकाश आचार्य, एपीबी पाट्नर्सका अर्जुन ढकाल र प्रविण थापा, मुस्ताङ प्यालेसका गोविन्द पाठक, सोल्भ ड्रराइभिङका रोशन पंगेनी रहेका छन्।
