मेल्बोर्नको प्रतिस्ठीत बास्केटबल लिग (एमबीएल लिग) मा मेल्वर्न निवासी सुमीत थापा इतिहाँसमै पहिलो पटक फाइनलमा पुगेर नयाँ इतिहाँस राख्न सफल भएका छन्।
४ वर्षअघि सुमीत थापा एमबिएलमा रेभेन्स टिमको हिस्सा बनेका थिए । त्यसपछि उनी सन् २०१९ मा ब्ल्याकबर्न ग्रिफिन्समा आबद्द भए। त्यहाँ उनको यात्रा सेमिफाइनल सम्म मात्र रहेको थियो।
सन् २०२० को सिजनमा ग्रिफिन्सका क्याप्टेन बनेका सुमीतले रोस्टरमा ठूला परिवर्तनहरू गर्दै सेमिफाइनल सम्म आफ्नो टीमलाई पुर्याउन सफल भएका थिए।उक्त सिजनमा च्याम्पीयन एमएलभी चार्जर्ससँग पराजित भए।
४ सिजनपछि उनी एमबीएलको ग्राण्ड फाइनलमा पुगेका छन्। ग्रान्ड फाइनलमा पुग्ने उनीनै पहिलो नेपाली खेलाडी हुन् । उनी अप्रिल १० मा फाइनलको लागि रेडब्याकहरूसँग लड्नेछन्।
काठमाण्डौ पेप्सीकोलामा जन्मेका सुमीत सन् २०१५ मा अस्ट्रेलीया आएका थिए।सन् २०१७ बाट भिक्टोरीयन लिगमा जोडीएका सुमीतले अस्ट्रेलीयामा रेभीन्सबाट आफ्नो बास्केटबलको यात्रा सुरु गरेको थिए।सन् २०१९ मा क्याप्टेन भएका सुमीत सन् २०२०/२०२१ मा क्यापटेन अफ द इयर बन्न सफल भए।
आफुले नेपाल छँदा खेल्दै आएको पेप्सीकोलामा रहेको बास्केटबल कोर्टलाई जियोर्णदार गर्दै उनले सहयोग समेत गरेका छन्।
यो लिग जित्नलाई आफु तयारी अवस्थामा रहेको र यो पटक नेपाली समुदाएको लागि नयाँ इतिहास रचाउन आफु लागि परेको बताएका छन्।यो पक्कै पनि अस्ट्रेलीयामा रहेका नेपालीहरुलाई गौरवको बिषय बन्ने छ।