eNepal

सामुदायीक केन्द्रको सहयोगार्थ मेल्बर्नका सामाजिक संस्था र व्यावसायीहरु च्यारिटी म्याच खेल्दै

हाल अष्ट्रेलियाको मेलबर्नमा १७औं न्याभ क्रिकेट टुर्नामेन्टको आयोजना भइरहेको छ। सामुदायिक सद्भावको लागि अस्ट्रेलियन नेपाली बहुसांस्कृतिक केन्द्रको प्रवर्द्धन गर्ने उदेश्यका साथ यस बर्ष न्याभले नेपाली सामुदायिक केन्द्रको लागि कोष उठाउने प्रयासमा जुटेको छ।

फेब्रुअरी २२ मा आयोजना हुन लागेको च्यारीटी खेलमा यस वर्ष न्याभ, एनआरएनए, कन्सल्टेन्सी, रियलस्टेट, किराना पसल, स्वास्थ्यकर्मी, व्यवस्थापन व्यवसायी, कर एजेन्ट, होटल, ट्राभल र पर्यटन व्यवसायीका साथसाथै अन्य साना व्यवसायीहरू सम्मिलित छवटा सामुदायिक टोलीहरू प्रतिस्पर्धामा उत्रीदै छन्।  

अस्ट्रेलियन नेप्लिज बहुसाँस्कृतीक केन्द्रको लागि कोष जुटाउन एकैसाथ यसरी सबै सँस्था र व्यवसायहरु सहभागीता जनाउन लागेको सम्भवत योनै पहिलो च्यारिटी खेल भएको न्याभका उपाध्यक्ष एवम् प्रतियोगीताका संयोजक प्रेमराज उप्रेतीले बताउनु हुन्छ।

खेलको ढाँचा टि टेनको हुने र दुई समूहका शीर्ष २ टोलीले सेमिफाइनल खेल्नेछन्।फाइनल खेल भने २७ फेब्रुअरीमा न्याभ कप क्रिकेट प्रतियोगीताको ग्रान्ड फिनालेका दिन हुने आयोजकले जनाएको छ।

समुदायको बृहत्तर हितका लागि आफ्नो ऐक्यबद्धता र प्रतिबद्धता दोहोर्‍याउन पहिलो पटक नेपाली व्यवसायीहरू यसरी जम्मा भएका हुन्।

गत वर्ष पनि न्याभले च्यारिटी खेलको आयोजना गर्दै बैतडीमा बलात्कृत पछि हत्या गरिएकी भागिरथी भट्टकी आमालाई सहयोग गर्न कोष जुटाइएको थियो। सो खेलबाट $ २९९० डलर उठेको थियो जसमा आधा रकम सुरज अयरले नेतृत्व गर्नु भएको मल्टिडायनामिक रियलस्टेट मेल्बर्नबाट प्राप्त भएको थियो।

Related posts

नेपाल फेस्टिबल मेल्वर्नमा नै मैले मेरो मायालाई भेटेको हुँः कन्दरा गायक विवेक श्रेष्ठ

Manoj Poudyal

एक दिनको अवधिमा सम्रग नेपाललाई प्रतिनिधित्व गराउने महोत्सव हो नेपाल फेस्टिभल: ऋषि कँडेल

Manoj Poudyal

कला भिक्टोरीयाले रक्षा वन्धन एवम् जनै पुर्णिमा मनाउँदै

Manoj Poudyal

नेपाल फेस्टीभल पछिल्लो पुस्तालाई नेपाल चिनाउने एउटा उत्सवको रुपमा मान्छु -समाजसेवी बम योन्जन

Manoj Poudyal

समाज र समूदायको साथमा छौं भन्नका लागि यो निर्णय गरेका हौं-इन्द्र गुरुङ्ग ब्लूबेरी रियलस्टेट

Manoj Poudyal

प्रत्यक्ष दोहोरीको साथ मेल्बर्नमा रम्झम साँझ हुँदै

Manoj Poudyal