eNepal

फेब्रुअरी २१ देखि पूर्ण खोप लगाएका अन्तराष्ट्रिय यात्रुहरू अस्ट्रेलिया आउन पाउने

कोभीडको कारण अन्तराष्ट्रिय यात्रुहरूका लागि बिगत दुई बर्षबाट बन्द रहेका अस्ट्रेलीयाको सिमा फेरि खुल्ला हुने भएको छ । यही फेब्रुअरी २१ देखि विदेशबाट आउने पर्यटकहरुलाई स्वदेश प्रवेश गर्न दिने निर्णय भएको प्रधानमन्त्री स्कट मोरिसनले सोमबार जानकारी दिएका हुन्। ।

कोरोना भाइरसको महामारीका कारण लामो समयदेखि पर्यटकहरुलाई प्रवेश निषेध गर्दै आएको अष्ट्रेलियाले प्रतिवन्धात्मक व्यवस्था खुकुलो बनाउदै लगेको हो । अष्ट्रेलिया कोरोना महामारीबाट धेरै प्रभावित भएको र लामो समय विभिन्न प्रतिवन्धात्मक व्यवस्थाहरु लागु गरेको देशमा पर्दछ ।

राष्ट्रिय सुरक्षा सम्वन्धी बैठकपछि प्रधानमन्त्री मोरिसनले सवै प्रकारका प्रवेश आज्ञा पाएकाहरुलाई अष्ट्रेलिया आउन दिने निर्णय भएको जानकारी गराएका हुन्।

कोरोना भाइरसको महामारी थप फैलिन नदिने उद्धेश्यले सन् २०२० को मार्चदेखि विदेशबाट पर्यटकहरु आउन नदिने निर्णय अस्ट्रेलियन सरकारले गरेको थियो।

यो सँगै अस्ट्रेलीयाले मान्यता दिएको खोपको दुवै मात्रा लगाएका सबै भिषाधारकले फेब्रुअरी २१ बाट अस्ट्रेलीया आउन पाउने छन्। यसअघि सरकारले १५ डिसेम्बरदेखि अन्तर्रास्ट्रिय विद्यार्थी लगायत विभिन्न २८ भिषाभाहकका लागि सिमाना खुल्ला गरेको थियो । 

Related posts

तेश्रो ग्रेस ईन्टरनेशनल तालबराही कप मेल्बर्न अल स्टार्सको पोल्टामा

Manoj Poudyal

दिदीबहिनी समाज सेपार्टन शाखाले तीज कार्यक्रम आयोजना गर्दै

Manoj Poudyal

मेल्बर्नमा पहिलो पटक बिधिपूर्बक जनैपूर्णिमा कार्यक्रम सम्पन्न

Manoj Poudyal

मेल्बर्नको हाम्रो कम्युनिटी बिधीवत् रुपमा सँस्थागत, प्रकाश अर्याल अध्यक्षमा चयन

Manoj Poudyal

न्याभको नयाँ कार्यसमितीले पायो पूर्णता

Manoj Poudyal

नेपाल फेस्टिबल मेल्वर्नमा नै मैले मेरो मायालाई भेटेको हुँः कन्दरा गायक विवेक श्रेष्ठ

Manoj Poudyal