eNepal

लकडाउनको कारण डेन्टल नर्सको जागीर गए पछि जन्मियो “लुमन्ती”

पछिल्लो समय मेल्बर्नको नेपाली समुदाएमाँझ निकै लोकप्रीय बन्दै गएको छ लुमन्ती। नेवारी परम्परागत खानाको पारखीलाई लक्षित गरि संचालनमा आएको लुमन्ती मेल्बर्नमा बसोबास गर्ने नेपाली समुदाएलाई परम्परागत स्वाद दिलाउन प्रभावशाली भुमीका खेल्दै आएको छ।

लुमन्तीका परिकारहरु आज मेल्बर्नका नेपालीका घरघरमा पुग्ने गरेका छन्। पुजाको लागि चाहाने प्रसाद देखी नेपालीहरुको बिहानको खाजाको रुपमा ज्यादै प्रख्यात दुनोट, नेवारी खाजा सेट देखी लाखमरी र चटामरी आज प्राय नेपालीको रोजाईको खाजा बन्दै गएको छ। 

डेन्टल नर्सको रुपमा काम गर्दै आएकी कृती महर्जनलाई पनि कोभीड १९ महामारीले अछुतो राख्न सकेन। माहामारीको रुपमा फैलीएको कोरोनाले डेन्टल नर्सको जागिर गुमाएँ पछि कृती घर भित्रै सिमीत भईन। घरमै बसि रहँदा आफुले नेपालमा छँदा जानेका अनि सिकेका खानाका बिभीन्न परिकार बनाउने आफ्नो रहरलाई भने उनले सुस्ताउन दिइनन्।

मेल्बर्नमा लकडाउनको अवस्था थियो। साथीभाईसँगको प्रत्यक्ष भेटघाटलाई निषेध गरिएको थियो। त्यहि मौकालाई अवसरको रुपमा लिदै उनले घरमै नेवारी खाना र नेपाली शैलीका डुनोटहरु बनाएर आफ्ना साथीभाई र परिवारलाई चखाउन थालिन्।

साथीभाईहरुबाट आएको सकारात्मक टिप्पणी र सुझावले कृतीलाई घरमै बसेर एउटा सानो खाद्य व्यवसाय सञ्चालन गर्न उत्प्रेरित गर्‍यो।उनलाई विस्वास भयो कि बिशुद्ध नेवारी खाना बनाएर पनि जीवन निर्वाह गर्न सकीने रहेछ भनेर।

बिस्तारै घरकै भान्सामा लाखमरी, योमरी, किमा बारा, ऐठामरी जस्ता नेवारी समुदाएका परम्परागत परिकार बनाउन थालिन् । नेवार जातिको पहिचानसहितको यो परम्परागत खानाको माग पनि उत्तीकै मात्रामा बढ्दै गयो। घरबाट टाढा बसेर पनि नेपाली पनमा परिकारको स्वाद लिन पाउँदा उनका ग्राहक ह्वात्तै बढे र बिस्तारै यसलाई व्यवसायीकरण गर्दै गइन्।

शुरुवातमा नाम के राख्ने भनेर धेरैसँग सरसल्लाह लिन थालिन।धेरै छलफल र सल्लाहा पछि सबैले आफ्नो जन्म घरमा छुटेको स्वादलाई प्रतिनिधित्व गर्ने र बिगतका सम्झनाहरू ताजा बनाउन सक्ने व्यवसायीक नाम खोज्दै जाँदा अन्तत: लुमन्ती नामको सिर्जना भयो जसको अर्थ नेवारीमा सम्झनाको स्वाद हो।

त्यसपछि लुमन्तीलाई मानिसहरू माँझ पुर्याउने भनेर खानाको जानकारी सहित फेसबुक मार्केटप्लेसमा राखेर समुदाएलाई जानकारी गराउन सुरु गरीन्। बिस्तारै ग्राहकहरूबाट अर्डरहरू आउन थाले र ग्राहकहरुबाट आएको राम्रो प्रतिक्रियाले उनमा थप उर्जा प्राप्त भयो। 

ग्राहकको माग बझ्दै गएपछि सहजताको लागि लुमन्तीको फेसबुक पेज र इन्स्टाग्राममा खानाको बारे जानकारी सहित पेज शुरु गरेको छ जहाँ प्रत्यक्ष म्यासेज मार्फत सिधै अर्डर गर्न सक्छन्।

Related posts

एएनएमसीले नेपाली सामुदायिक भवनको पछिल्लो अपडेट गराउन गाला डिनर आयोजना गर्दै

Manoj Poudyal

मेल्बर्नमा पचास बर्ष माथिका नेपाली अभिभावकको लागि डिजिटल साक्षरता कार्यक्रम हुँदै

Manoj Poudyal

मेल्बर्न बस्दै आएका गायक कुशल आचार्यको नयाँ गीत ‘पर्खाई’ बजारमा

Manoj Poudyal

A Nepalese writer received accolades from the Prime Minister of Australia.

Manoj Poudyal

“सगरमाथाको संरक्षण गरौं” भन्ने मूल नाराको साथ मेल्बर्नमा एभरेस्ट डे मनाइदै

Manoj Poudyal

The first Everest Cup is now concluded with grandeur, Craigieben Brigade Sports Club being on the winning side

Manoj Poudyal