अस्ट्रेलियामा पछिल्लो २४ घण्टामा अहिलेसम्मकै धेरै कोरोना संक्रमितको मृत्यु भएको छ । गएको २४ घन्टामा मात्र ७७ जनाको ज्यान गएको स्वास्थ्य बिभागले जनाएको छ।
संक्रमणबाट न्यूसाउथ वेल्समा ३६ जनाको मृत्यु भएको छ भने भिक्टोरीयामा २२ जनाको निधन भएको छ।क्विन्सलेण्डमा १६ जनाको मृत्यु भएको छ। साउथ अस्ट्रेलियामा २ र अस्ट्रेलियन क्यापिटल टेरीटोरीमा १ जनाको मृत्यु भएको छ।
संक्रमणबाट धेरैको मृत्यु हुन थालेपछि अस्ट्रेलियाका स्वास्थ्यमन्त्री ग्रेग हन्टले संक्रमण फैलिएको क्षेत्रमा ५७ हजार नर्स र एक लाखभन्दा बढी स्वास्थ्य कर्मचारीहरू खटाउने बताएका छन् ।
