eNepal

आगन्तुक र अस्थायी भिसाधारीलाई अनिबार्य स्वास्थ्य बीमा लिन एम्डाको अनुरोध

अष्ट्रेलियामा आगन्तुक भिसामा रहेका वा अस्थायी भिसामा रहनु भएका नेपाली नागरिकहरूलाई स्वास्थ्य बीमा अनिबार्य लिन अस्ट्रेलियन नेप्लिज मेडीकल एण्ड डेन्टल एसोसीयसन (एम्डा)ले अनुरोध गरेको छ।

स्वास्थ्य बिमा नभएको वा अपर्याप्त स्वास्थ्य बीमाका कारण चर्को चिकित्सा शुल्क तिर्न  पर्ने अवस्था आउन नदिन सबै नेपाली समुदाएलाई यो सुचना जारी गरेको हो।

सीमा प्रतिबन्धहरू खुकुलो हुँदै जाँदा  स्थायी बासिन्दा, अस्थायी बासिन्दा वा विद्यार्थीहरूका अभिभावकहरू अष्ट्रेलिया आउने क्रम बढ्दो रुपमा रहेको छ। त्यसैले भोलीका दिनमा कदमकदाचित बिरामी भएर अस्पताल भर्ना हुनु परेमा महङ्गो रकम आफ्नो गोजीबाट तिर्न पर्ने अबस्था बिगतमा देखिएको र यो हुन नदिन परिवारका सदस्यहरू, आफन्तहरू, र छोटो वा लामो अवधिको लागि अष्ट्रेलिया भ्रमण गर्ने साथीहरूको लागि सही प्रकारको स्वास्थ्य बीमा गर्न एम्डाले बिशेष अनुरोध गरेको छ।

प्रेस बिज्ञप्तीमा भनिएको छ अस्ट्रेलियाली नागरिक र स्थायी बासिन्दाहरूलाई मेडिकेयर जुन चाँही सरकारी बीमा कार्यक्रम अन्तर्गत पर्ने हुनाले सबै स्वास्थ्य उपचार मेडिकेयरले समेट्छ तर आगन्तुक वा अस्थायी भिसामा रहेका व्यक्तिहरुको हकमा भने स्वास्थ्य बीमा गरेर आफु सुरक्षीत हुन आग्रह गरेको छ।

अप्रत्याशित र सम्भावित रूपमा ठूला मेडिकल बिलहरू वा ऋणहरूबाट बच्न निजी स्वास्थ्य बीमाको महत्त्वलाई बिशेष प्राथमिकता दिदै यो बिज्ञप्ती जारी गरेको छ।थप जानकारीको लागि गृह विभागको वेबसाइटमा हेर्न सक्नु हुनेछ।

https://immi.homeaffairs.gov.au/help-support/meeting-our-requirements/health/adequate-health-insurance

Related posts

तेश्रो ग्रेस ईन्टरनेशनल तालबराही कप मेल्बर्न अल स्टार्सको पोल्टामा

Manoj Poudyal

दिदीबहिनी समाज सेपार्टन शाखाले तीज कार्यक्रम आयोजना गर्दै

Manoj Poudyal

मेल्बर्नमा पहिलो पटक बिधिपूर्बक जनैपूर्णिमा कार्यक्रम सम्पन्न

Manoj Poudyal

मेल्बर्नको हाम्रो कम्युनिटी बिधीवत् रुपमा सँस्थागत, प्रकाश अर्याल अध्यक्षमा चयन

Manoj Poudyal

न्याभको नयाँ कार्यसमितीले पायो पूर्णता

Manoj Poudyal

नेपाल फेस्टिबल मेल्वर्नमा नै मैले मेरो मायालाई भेटेको हुँः कन्दरा गायक विवेक श्रेष्ठ

Manoj Poudyal