eNepal

नारायणहिटी परिसरमा रेस्टुरेन्ट बन्दै

ऐतिहासिक महत्त्वको सम्पदा नारायणहिटी दरबार सङ्ग्रहालयभित्रको करिब १० रोपनी जग्गा रेस्टुरेन्ट व्यवसाय सञ्चालनका लागि भाडामा लगाइएको छ । भाडामा लगाइएपछि त्यहाँ विभिन्न स्थायी संरचना बन्दैछन् तर तिनको नक्सा भने पास नगरिएको पाइएको छ ।

काठमाडौँ महानगरपालिकाका प्रवक्ता ईश्वरमान डङ्गोलका अनुसार निजी तथा सरकारी जग्गामा कुनै पनि संरचना निर्माण गर्दा सम्बन्धित स्थानीय तहबाट नक्सा पास अनिवार्य गरिएको छ । तर नारायणहिटी सङ्ग्रहालयभित्र निर्माणाधीन रेस्टुरेन्टका लागि आवश्यक संरचना निर्माणसम्बन्धी नक्सापास तथा स्थलगत नापजाँचसमेत नगरी निर्माण कार्य जारी छ ।

महानगरपालिका वडा नम्बर १ का प्रशासकीय अधिकृत सर्वज्ञराज पौडेलले सङ्ग्रहालयभित्र रेस्टुरेन्ट बन्दैछ भन्ने जानकारीसमेत कतैबाट नदिएको बताए । नारायणहिटी दरबार सङ्ग्रहालय तथा गणतन्त्र स्मारक व्यवस्थापन समन्वय समितिले एक वर्षअघि सङ्ग्रहालयको मुख्य प्रवेशद्वारभन्दा पश्चिमतर्फको जग्गा भाडामा दिएको हो । 

त्यसैअनुसार अहिले संरचना बन्दै गरेका हुन् । नारायणहिटी दरबार क्षेत्र करिब ७५४ रोपनीमा फैलिएको छ । तत्कालीन संस्कृति, पर्यटन तथा नागरिक उड्डयनमन्त्री एवं सङ्ग्रहालयका संरक्षक योगेश भट्टराई र सचिव यादवप्रसाद कोइरालाको कार्यकालमा सो जग्गा बीपीएस लिजिङ एन्ड म्यानेजमेन्ट नामको कम्पनीलाई भाडामा दिइएको सङ्ग्रहालयकै कर्मचारी बताउँछन् । उक्त कम्पनी बतास समूहअन्तर्गतको हो । यो समाचार गोरखापत्र दैनिकमा छ ।

Related posts

विदेशमा रहेका नेपालीले पनि क्रिप्टोकरेन्सीको कारोबार गर्न नपाउने नियम लागु

Manoj Poudyal

चितवनमा बन्दै गरेको सडकको नालीमा परेर एक गैंडाको मृत्यु

Manoj Poudyal

एमाले अध्यक्ष ओली दम्पत्ती लगाएत प्रचण्ड पत्नी सीता दाहाललाई कोरोना सङ्क्रमण पुष्टि

Manoj Poudyal

अध्यागमन विभागद्वारा नेपाल आउजाउ गर्नेको लागि लागु गर्यो नयाँ नियम

Manoj Poudyal

सरकारले भिजिट भिसामा खाडी देश र मलेसिया जान रोक

Manoj Poudyal

क्रिप्टोकरेन्सीको कारोबार गर्ने गिरोह पक्राउ

Manoj Poudyal