भिक्टोरियामा पछिल्लो २४ घण्टाको अवधिमा थप ३ हजार ७ सय ६७ जनामा कोरोना भाइरसको संक्रमण पुष्टि भएको छ भने ५ जनाको निधन भएको भिक्टोरीया स्वास्थ्य बिभागले जनाएको छ।
सोहि अवधि भर ७५ हजार १ सय ३२ जनाको कोरोना परीक्षण गरिएको छ भने सक्रिय संक्रमितको संख्या १९ हजार ९ सय ९४ रहेको छ ।
यस्तै पछिल्लो २४ घण्टामा ५ सय ३५ जनाले कोरोना विरुद्धको खोप लगाएका छन । यससंगै खोप लगाउनेको कूल संख्या ५० लाख २५ हजार २ सय ७२ पुगेको छ।
पछिल्लो २४ घण्टामा न्यु साउथ वेल्समा ११ हजार २ सय १ जनामा कोरोना संक्रमण पुष्टि भएको छ । २४ घण्टामा गरिएको १ लाख ५७ हजार ७ सय ५८ जनाको कोरोना परीक्षण गरिएको छ। सोही अवधीमा न्यु साउथ वेल्समा कोरोनाबाट ३ जनाको मृत्यु भएको छ ।
