पूर्वी नेपालको लोकप्रीय जिल्ला धनकुटाको पाख्रिवास स्थाई घर भई हाल दुवईमा रोजगारीको शिलशिलामा रहनु भएका गायक नवीन खनाल र रजीना रिमालको स्वरमा गीत ‘तिमी पुग्यौ धेरै टाढा’ सार्वजनिक भएको छ । गणेश खड्काको शब्द रहेको गीतमा नवीन कै संगीत तथा रिकेश गुरुङको संगीत संयोजन रहेको छ ।
दृश्य सुवेदी र रुषा न्यौपाने फिचर्ड भिडिओ सम्पादन तथा निर्देशन शिव पुरीले गरेका छन् । हरि हुमागाईँले खिचेको भिडिओको कथा तथा कन्सेप्ट विनोद श्रेष्ठको रहेको छ ।
नविन खनालको ‘स्वर्गकी परी तिमी अप्सराकी रानी’ पचासको दशकमा चलेको गीत हो भने नाटक, कविता, गीत,गजल तथा समसामयिक लेख रचनामा कलम चलाउदै आएका साहित्यकार गणेश खड्काका यसअघि पनि केहि गीतहरु बजारमा आइसकेका छन् । उनको नाटक संग्रह र कविता संग्रहका पुस्तकहरु पनि प्रकाशित छन् ।
