eNepal

हाम्रो नेपाली पाठशालाको वार्षीक साधारणसभा सम्पन्न, रवीन अधिकारी अध्यक्षमा चयन

मेल्बर्नको पूर्वी क्षेत्रमा बसोबास गर्ने नेपाली समुदाएबाट सन्चालित हाम्रो नेपाली पाठशालाले गएको शनीवार डिसेम्बर १८ का दिन बार्बेक्युको साथमा वार्षिक साधारण सभा सम्पन्न भएको छ।

नयाँ कमिटीको अध्यक्षमा रविन्द्र अधिकारी, उपाध्यक्षमा ममता क्षेत्री, कोषाध्यक्षमा केशवराज राजुरिया, सचिवमा लीना गुभाजु चयन हुनुभएको छ। त्यस्तै सदस्यहरुमा पार्वती उप्रेती, वनिता शेरचन, भूपाल केसी, शर्मिला घिमिरे, सन्देश श्रेष्ठ, प्रकाश शाही, रवीन्द्र श्रेष्ठ, मुना आचार्य, मित्र पर्साइ र हरिदेव कार्की चुनीनु भएको छ।

कार्यक्रममा कोषाध्यक्ष केशव राजुरियाले आर्थिक प्रतिवेदनको बुझाउनु भएको थियो भने उपाध्यक्ष ममता केसीले स्वागत मन्तव्य राख्नु भएको थियो।अर्का उपाध्यक्ष रविन्द्र अधिकारीले सबैको प्रयासको प्रशंसा गर्नुभएको थियो।

कार्यक्रममा अस्ट्रेलीया नेपाल बहुसाँस्कृतीक केन्द्रका अध्यक्ष राजेश आचार्यले एएनएमसीको पछिल्लो अवस्थाका बारे जानकारी गराउँदै समुदायको लागि नेपाली सामुदायीक केन्द्रको महत्त्वको बारेमा प्रकाश पार्नु भयो।

 

शिक्षीका पार्वती उप्रेतीले चुनौतीपूर्ण समयको बाबजुद पनि समितिका सदस्य, अभिभावक र बालबालिकाहरूको प्रयासको प्रशंसा गर्नुभएको थियो भने अर्का शिक्षक अभिषेकले बच्चाहरूसँग प्रत्यक्ष भेट्न पाउँदा खुसी व्यक्त गर्दै विद्यार्थीहरूको प्रयासको प्रशंसा गर्नुभयो। उहाँले अझै केही वर्ष पाठशालासँगै रहने आश्वासन दिनुभयो। 

 

कार्यक्रमको अन्तमा निबर्तमान अध्यक्ष रवीन्द्र श्रेष्ठले पाठशाला र शैक्षिक यात्राको बारे संक्षिप्त जानकारी दिदै पाठशालाको लागि कोष ल्याउन, बिभीन्न कार्यक्रम सञ्चालन गर्न र समुदायको विकास गर्न मद्दत गर्ने निस्वार्थ सेवामा संलग्न सबै व्यक्तिहरूको प्रशंसा गर्दै आफू अध्यक्ष नभई सदस्य नै रहेर आगामी दिनमा पाठशालालाई सहयोग गर्ने प्रतिबद्दता जनाउनु भयो।

अभिभावक र बिधार्थीहरुको उपस्थितीमा गरिएको बार्बेक्यूमा कोभीडको कारण लामो समय सम्म एकअर्का सँग भेट हुन नपाएका अभिभावक र बिधार्थीको पुन: मिलनले माहोल धेरै रमाइलो देखिएको थियो।

Related posts

तेश्रो ग्रेस ईन्टरनेशनल तालबराही कप मेल्बर्न अल स्टार्सको पोल्टामा

Manoj Poudyal

दिदीबहिनी समाज सेपार्टन शाखाले तीज कार्यक्रम आयोजना गर्दै

Manoj Poudyal

मेल्बर्नमा पहिलो पटक बिधिपूर्बक जनैपूर्णिमा कार्यक्रम सम्पन्न

Manoj Poudyal

मेल्बर्नको हाम्रो कम्युनिटी बिधीवत् रुपमा सँस्थागत, प्रकाश अर्याल अध्यक्षमा चयन

Manoj Poudyal

न्याभको नयाँ कार्यसमितीले पायो पूर्णता

Manoj Poudyal

नेपाल फेस्टिबल मेल्वर्नमा नै मैले मेरो मायालाई भेटेको हुँः कन्दरा गायक विवेक श्रेष्ठ

Manoj Poudyal