eNepal

एनआरएनएको निर्वाचन आगामी डिसेम्बर १५ तारिखमा गर्ने घोषणा

गैर आवासीय नेपाली संघको निर्वाचन आगामी डिसेम्बर १५ तारिखमा गर्ने घोषणा गरिएको छ । संघका अध्यक्ष कुमार पन्तले एक विज्ञप्ति जारी गर्दै निर्वाचनको मिति घोषणा गर्नु भएको हो ।  संघको १० औं अन्तर्राष्ट्रिय महाधिवेशन आगामी डिसेम्बर १९ र २० मा अयोजना गर्ने घोषणा गरिएको छ ।

एनआरएनएको निर्वाचन अनलाईनमार्फत र महाधिवेशन काठमाडौमा भौतिक रुपमा गरिने तय गरिएको जनाइएको छ ।  गत महिना तय गरिएको गैर आवासीय नेपाली संघको १० औं महाधिवेशन तथा अन्तर्राष्ट्रिय सम्मेलन परराष्ट्र मन्त्रालयमा उजुरी परेपछि तत्कालका लागि निर्वाचन प्रक्रिया अगाडि नबढाउन निर्देशन दिएसँगै स्थगन भएको थियो ।

अध्यक्ष पन्तले जारी गरिएको विज्ञप्तिमा भनीएको छ, ‘संघले प्रस्तुत गरेको मार्गचित्रमा मन्त्री ज्यूबाट प्राप्त सकारात्मक प्रतिक्रिया र संघका विभिन्न बैठकले गरेका औपचारिक निर्णयहरुको आधारमा १० औं अन्तर्राष्ट्रिय महाधिवेशन आगामी डिसेम्बर १९ र २० मा अयोजना गरिनेछ तथा संघको नयाँ कार्यसमितिको नेतृत्वको लागि निर्वाचन डिसेम्बर १५ तारिखका दिन तोकिएको जानकारी गराइन्छ ।’

विश्वभरि फैलिएका गैर आवासीय नेपालीहरुले उत्साहका साथ तयारी गरिरहेको संघको महाधिवेशन तथा अन्तर्राष्ट्रिय समन्वय परिषद् (आइसीसी) को निर्वाचन प्रक्रिया स्थगित गर्न परराष्ट्र मन्त्रालयबाट १० सेप्टेम्बरमा पत्र प्राप्त भएपछि मन्त्रालय र संघबीच पटक पटक औपचारिक तथा अनौपचारिक छलफल गरिएको जनाइएको छ ।

‘केहि समय अगाडि म समेत संलग्न भएको बार्तामा परराष्ट्र मन्त्री डा. नारायण खड्कासंग परराष्ट्र मन्त्रालयमा संघको महाविधेशनको बारेमा घनीभूत छलफल भएको थियो । संघले मन्त्रालय समक्ष महाधिवेशन तथा विश्व सम्मेलनको बारेमा प्राप्त असहमतिका बारेमा आफ्नो मार्गचित्र समेत प्रस्तुत गरेको थियो’, अध्यक्ष पन्तले जारी गर्नु भएको विज्ञप्तिमा भनीएको छ ।

महाधिवेशन प्रतिनिधिहरुको सूची निर्वाचन समितिलाई आजै बुझाईने समेत जारी विज्ञप्तिमा उल्लेख छ । साथै संघको निर्वाचनको लागि सम्पूर्ण तयारीमा जुट्न निर्वाचन समिति तथा सम्पूर्ण महाधिवेशन प्रतिनिधिहरुलाई आग्रह समेत गरिएको छ।

Related posts

गुल्मी समाज भिक्टोरीयाको अध्यक्षमा चुनीए माधव खरेल, साधारण सभा भने ५ डिसेम्बरमा हुँदै

Manoj Poudyal

तमु समाज भिक्टोरीयाद्वारा कोभिड-१९ को माहामारीमा गरेका कामको प्रतिवेदन सार्वजनिक

Manoj Poudyal

नेकपा एमालेको अध्यक्षमा केपी शर्मा ओली दोस्रो कार्यकालका लागि निर्वाचित

Manoj Poudyal

जिएनएले सिटी अफ ग्रेटर जिलोङबाट पायो अनुदान, सामाजिक कल्याणका कार्यमा खर्च गरिने

Manoj Poudyal

नेकपा एमालेको नयाँ नेतृत्व चयनका लागि मतदान जारी

Manoj Poudyal

अष्ट्रेलीयाको संघीय सरकारद्वारा १५ डिसेम्बरसम्म अन्तर्राष्ट्रिय आगमनमा रोक

Manoj Poudyal