यस वर्षको भाइटीकाको साइत मेल्बर्नको समय अनुसार ६ नोभेम्बर शनिवार बिहान ११:३६ मा रहेको नेपाल हिन्दु समाज अस्ट्रेलीयाले जनाएको छ। त्यस्तै लक्ष्मी पूजाको साइत बिहीबार साँझ ८:५२ मा रहेको छ।
सिड्नीमा भाई टिकाको साइत बिहान ११:५१, ब्रिसबेनमा ११:२३, एडीलेडमा बिहान ११:५६, क्यान्बेरामा ११:५३, तास्मानियामा ११:२७, पर्थमा १२:१० र डार्विनमा १२:०५ मा रहेको छ। त्यस्तै सिड्नीमा लक्ष्मी पूजाको साईत साँझ ८:१८, ब्रिसबेनमा ०८:०८, एडीलेडमा ०८:४१, क्यान्बेरामा ०८: २९, तास्मानियामा ०८:५५, पर्थमा ०७:३६ र डार्विनमा ०७:३४ मा रहेको छ।
बुधबारबाट यमपञ्चक शुरु हुँदैछ । नोभेम्बर २, कार्तिक १६ गते, मंगलवार यमदीपदान, धनत्रयोदशी (धन्तेरस), धन्वन्तरी जयन्ती रहेको छ। नोभेम्बर ३, बुधवार – काकबली (काग तिहार) कुकुरतिहार नरकचतुर्दशी रहेको छ ।
त्यस्तै, नोभेम्बर ४, विहिवार लक्ष्मीपूजा, दीपमालिका, सुखरात्रि, नोभेम्बर ५ शुक्रवार गोबर्धनपूजा, गोवलीपूजा, हलितिहार, म्हपूजा, ने सं ११४२ प्रारम्भ हुने दिन रहेको छ भने नोभेम्बर ६ शनिवार यमद्वितीया भाइटीका ,किजापूजा रहेको छ ।
