eNepal

राहत सहयोग वितरणलाई निरन्तरता दिदै न्याभ, तेस्रो चरणमा १८० प्याकेज वितरण

भिक्टोरिया सरकारको Priority Response to Multicultural Community (PRMC ) अन्तर्गत प्राप्त सहयोगमार्फत Nepalese Association of Victoria (न्याभ) ले कोभिड-१९ को असरबाट बहुसांस्कृतिक समुदायमा परेको असर न्यूनीकरण गर्नका लागि कोरोना भाइरस तथा कोभिड रोकथाम, यसको भ्याक्सिनबारे सचेतना र कोभिडको नियन्त्रणका लागि राज्यद्वारा पटकपटक गरिएका लक्डाउनबाट व्यक्ति, परिवार र समुदायको मानसिक स्वास्थ्यको अवस्था र सोको न्यूनीकरणको लागि अपनाउनु पर्ने साबधानी र समुदायले गर्न सक्ने कार्यहरुको बारेमा जनचेतना जगाउने उद्देश्यले विभिन्न कार्यक्रमहरु आयोजना गर्दै आएको छ।

पहिलो र दोश्रो चरणको राहत बितरण कार्यक्रम भिक्टोरीयामा रहेका बिभीन्न समुदायको सहयोगमा सफलतापूर्वक सम्पन्न भएसँगै न्याभले तेश्रो चरणको राहत सामाग्री वितरण शुरु गरेको हो। तेश्रो चरणमा १८० प्याकेजहरु भिक्टोरियामा बसोबास गर्ने बिभिन्न समुदायका कोविड प्रभावित व्यक्तिहरुलाई वितरण गरिएको छ।

विगतको राहत बितरणमा समुदाएबाटै स्वयंसेवकहरुले साथ दिएका थिए तर यस पटक भने न्याभका कार्यकारी सदस्यहरुबाटनै  सबै कोभीड सुरक्षा प्रोटोकललाई ध्यानमा राखी राहत प्याकेज वितरण गरिएको न्याभका उपाध्यक्ष एवम् राहत वितरण कार्यक्रमको संयोजन प्रेमराज उप्रेतीले बताउनु भयो।

गएको दुई दिनमा १८० प्याकेज वितरण भएको छ।यो ज्यादैनै सराहनिय काम रहेको बताउँदै न्याभका अध्यक्ष राम गुरुङले अहिलेको बिसम् परिस्थितीमा भिक्टोरीयामा रहेका अन्य नेपाली सँघसँस्थाले पनि आफ्नो तवर र तरीकाले राहत सहयोगमा जुटीरहनु भएको छ। यो कार्य प्रसंशनीय छ।यसको लागि भिक्टोरियन सरकार सांसद Ros Spence, भिक्टोरियन बहुसांस्कृतिक आयुक्त अध्यक्ष Viv Nguyen, भिक्टोरियन बहुसांस्कृतिक आयुक्त उपाध्यक्ष Bwe Thay, परशुराम शर्मा- लुइटेल जेपी, समुदायका अग्रज नेताहरु, कार्यकारी समितिका सदस्यहरु र वितरणमा सहयोग गर्नु हुने नरेन्द्र मल्ल ठकुरीलाई बिशेष धन्यबाद दिनु भएको छ।

दोश्रो चरणमा ९३ प्याकेजहरु भिक्टोरीयाका रिजनल क्षेत्र सेफाटन, बालाराटका बिभीन्न काउन्सिलसँगको सहयोगमा बिविध समुदाए र आदिवासीहरुलाई राहत सहयोग वितरण गरेको थियो भने यस अघि मिल्दुरा र फिलीप आइलेण्ड क्षेत्रमा ८० प्याकेज राहत बितरण गरिसकेको छ। कोभिडको कारणले अल्पकालीनरुपका आर्थिक अभाव भएका १८६ जनालाई दैनिक उपभोग्य सामग्री (चामल, दाल, तेल, चाउचाउ, चिउरा आदि) तथा स्यानीटाईजर, मास्क लगायतका सामग्रीहरु वितरण गरेको थियो।राहत वितरण कार्यक्रमको संयोजन न्याभका उपाध्यक्ष प्रेम राज उप्रेतीले गर्नु भएको छ। उहाँलाई कृष्ण चालिसे र ललीसा थापाले साथ दिनु भएको छ भने अर्थ व्यबस्थापन समाजका कोषाध्यक्ष यकिन्द्र तिमील्सिनाले गर्नु भएको छ।

Related posts

न्याभको नयाँ कार्यसमितीले पायो पूर्णता

Manoj Poudyal

नेपाल फेस्टिबल मेल्वर्नमा नै मैले मेरो मायालाई भेटेको हुँः कन्दरा गायक विवेक श्रेष्ठ

Manoj Poudyal

एक दिनको अवधिमा सम्रग नेपाललाई प्रतिनिधित्व गराउने महोत्सव हो नेपाल फेस्टिभल: ऋषि कँडेल

Manoj Poudyal

कला भिक्टोरीयाले रक्षा वन्धन एवम् जनै पुर्णिमा मनाउँदै

Manoj Poudyal

नेपाल फेस्टीभल पछिल्लो पुस्तालाई नेपाल चिनाउने एउटा उत्सवको रुपमा मान्छु -समाजसेवी बम योन्जन

Manoj Poudyal

समाज र समूदायको साथमा छौं भन्नका लागि यो निर्णय गरेका हौं-इन्द्र गुरुङ्ग ब्लूबेरी रियलस्टेट

Manoj Poudyal