तास्मानिया राज्यमा बसोबास गर्ने नेपालीहरुको हकहितको क्षेत्रमा काम गर्दै आएको नेपाली सोसाइटी अफ तास्मानियाले तस्मानिया सरकारको न्याय, कार्यस्थल सुरक्षा, उपभोक्ता मामिला तथा कला मन्त्री अलिस आचरसँग भेट गरेको छ ।
भेटका क्रममा बहुसांस्कृतिक समुदायका लागि सरकारले थुपै अनुदान दिने गरेपनि ती समुदायका संघसंस्थाहरु एकजुट हुन नसक्दा अनुदान लिने कार्य नै प्रभावित हुने गरेको मन्त्री आचरले बताएको सोसाइटीका अध्यक्ष खगेन्द्र सत्यालले जानकारी दिए ।
नेपाली पाठशाला, साना व्यवसाय तथा नव आप्रवासीका लागि सहयोग गर्ने प्रतिवद्धता समेत जनाएको सोसाइटीका अध्यक्ष सत्यालले जानकारी दिए ।
भेटका क्रममा मन्त्री आचारले नेपाली समुदायलाई कोरोना खोप बारे जनचेतना जगाउन समेत आग्रह गरेकी थिइन् । सोसाइटीले होबार्टमा अक्टोबर ९ र १० तारिखमा दशै फुटवल कपका लागि अतिथीका रुपमा निम्तो दिन अध्यक्ष खगेन्द्र सत्याल, उपाध्यक्ष मेघना रावत, सचिव बसन्त घिमिरे लगाएत सदस्यहरु विष्णु सापकोटा र गायत्री पाण्डे मन्त्री आचरलाई भेट्न पुगेका हुन् ।