भिक्टोरियामा पछिल्लो २४ घण्टाको अवधिमा थप ४५० जनामा कोरोना भाइरसको संक्रमण पुष्टि भएको छ।ती मध्य ७५ लिङ्क केसहरु रहेका छन्।
सोहि अवधि भर ४२ हजार ७ सय ७५ जनाको कोरोना परीक्षण गरिएको छ भने सक्रिय संक्रमितको संख्या २७९३ रहेको छ । स्वास्थ्य विभागका अनुसार १ करोड १९ हजार ९ सय ७१ जनाको कोरोना परीक्षण गरिएको छ ।
त्यसैगरी हालसम्म २१ हजार ४७ जना कोरोना संक्रमित उपचार पछि निको भएका छन् । यस्तै पछिल्लो २४ घण्टामा ३९ हजार १ सय ४८ जनाले कोरोना विरुद्धको खोप लगाएका छन । यससंगै खोप लगाउनेको कूल संख्या २७ लाख ९७ हजार ३ सय ९९ पुगेको छ ।
