eNepal

तीजमय बन्यो तास्मानिया

सुबाश मिश्र । तास्मानिया  

अस्ट्रेलियाको विभिन्न शहरहरुमा  लकडाउनले  नेपाली महिलाहरुको महान चाड हरितालिका तीज परिवार र नजिकका आफन्तहरुसँग  सिमित गराए पनि तास्मानियामा भने स्थिति भिन्न रह्यो । मुख्य शहर होबार्ट लगायत यसपटक लनचेस्टन, डेवनपोर्ट र बर्नीका स्थानिय नेपाली समुदायहरुले  तीजको अवसरमा  छुट्टाछुट्टै कार्यक्रमहरुको आयोजना गरे । प्राय: सबै आयोजित कार्यक्रमहरु  एनआरएनए तास्मनिया र नारी निकुञ्जको सहकार्य र समन्वयमा भएको थियो भने होबार्ट लगायत अस्ट्रेलियाका मुख्य शहरहरु मेलबर्न सिड्नीका  व्यबसायहरुले प्रायोजन समेत गरेका थिए ।

दिदीबहिनीको पर्व भएकाले नारी निकुञ्जले राज्यका विभिन्न समुदायले गरेका  तीजका कार्यक्रमहरूलाई सकेजति आर्थिक सहयोग गरेको र आफैं उपस्थित भएर हौसला र शुभकामना दिएको जानकारी नारी निकुन्जकी उपसंयोजक आरजु रिजालले  दिईन् । सपरिवार कुनै कार्यक्रम नछुटाएकि रिजाल समुदायमा यसरी घुलमिल हुन पाउँदा मक्ख देखिन्थिन् ।साथमा एनआर एनए राज्य समितिका पदाधिकारीहरु प्राय सबै कार्यक्रममा पुगि शुभकामना तथा हौसला प्रदान गरेका थिए । संयोजक राकेश शाक्यले परम्परा र रीतिरिवाजलाई बिदेशी भूमिमा यसैगरि निरन्तरता दिदै जाने आफुहरुको उदेश्य भएको र यस्ता कार्यक्रमहरुले थप जिम्मेवारी थपिएको आभास मिलेको बताए । 

होबार्टमा अन्तिम कार्यक्रम 

 यसैबिच नेपाली समाज तास्मानिया र नारी निकुञ्ज तास्मनियाले तीजको दिन पारेर सेप्टेम्बर ९ मा होबार्टमा पूजा तथा तीज मेलाको आयोजना गर्‍यो । व्रत बस्ने दिन भएकाले यो कार्यक्रम अन्य  कार्यक्रम भन्दा फरक  देखिन्थ्यो । व्रतालुहरु तीजको पुजा-अर्चना  कार्यक्रममा सहभागी भएका थिए भने पुजारी मार्फत बिशेष पुजाका लागि समय मिलाईएको  थियो । पुजामा सहभागी  नारी निकुञ्ज तास्मानियाकी संयोजक प्रणिता राई  पन्तले विशेष दिन आयोजना गरिएको यस कार्यक्रमले दिदीबहिनीहरुलाई परम्परानुसार व्रत बस्न, पूजाआजा गर्न र साथमा नाचगान गर्न एकै साईत जुरेकोले उपस्थित व्रतालुहरु खुसि भएको बताईन् । कार्यक्रममा २ सय भन्दा बढीको सहभागिता रहेको थियो।

Related posts

रोयल वेस्टर्न्स क्लबको आयोजनामा रक्तदाता सम्मान कार्यक्रम सम्पन्न

Manoj Poudyal

चितवन क्रिकेट क्लव मेल्बर्नले गर्यो जर्सी रिभील, राष्ट्रिय क्रिकेट खेलाडी किशोर महतो सम्मानीत

Manoj Poudyal

रोयल वेस्टर्न्स क्लबको आयोजनामा तिन दिने रक्तदान कार्यक्रम सफलतापुर्बक सम्पन्न

Manoj Poudyal

१९औं न्याभ कप आयोजना हॅुदै, १७ वटा समूहहरुले प्रतिस्पर्धा गर्ने

Manoj Poudyal

मुक्तककार सुशील चालिसेको शब्द रहेको “सररर हावा चल्यो” गीतको म्युजिक भिडियो सार्वजनिक

Manoj Poudyal

यसरी समापन गरियो मेल्बर्नमा छठ पर्व, ७ सय भन्दा बढी श्रध्दालुहरु सहभागी

Manoj Poudyal

Notice: ob_end_flush(): failed to send buffer of zlib output compression (0) in /home/enepal/public_html/wp-includes/functions.php on line 5349