भिक्टोरियामा पछिल्लो २४ घण्टाको अवधिमा थप १८३ जनामा कोरोना भाइरसको संक्रमण पुष्टि भएको छ ।ती मध्य १०१ केस लिङ्क केसहरु रहेका छन्।
सोहि अवधि भर ४८ हजार ४ सय ४८ जनाको कोरोना परीक्षण गरिएको छ भने सक्रिय संक्रमितको संख्या १४१७ रहेको छ । स्वास्थ्य विभागका अनुसार अहिलेसम्ममा ९७ लाख ४५ हजार ६ सय ९९ जनाको कोरोना परीक्षण गरिएको छ ।
त्यसैगरी हालसम्म २० हजार ६ सय ३५ जना कोरोना संक्रमित उपचार पछि निको भएका छन् । यस्तै पछिल्लो २४ घण्टामा २९ हजार ९ सय ५० जनाले कोरोना विरुद्धको खोप लगाएका छन । यससंगै खोप लगाउनेको कूल संख्या २५ लाख ८३ हजार ४ सय ९९ पुगेको छ ।