भिक्टोरियामा पछिल्लो २४ घण्टाको अवधिमा थप ९२ जनामा कोरोना भाइरसको संक्रमण पुष्टि भएको छ ।ती मध्य ६१ केस लिङ्क केसहरु रहेका छन्।यस अघि गएको २ सेप्टेबर २०२० मा एकै दिन अहिले सम्मकै उच्च ११० केसहरु देखिएको थियो।
सोहि अवधि भर ५१ हजार ३० जनाको कोरोना परीक्षण गरिएको छ भने सक्रिय संक्रमितको संख्या ७७८ रहेको छ । स्वास्थ्य विभागका अनुसार अहिलेसम्ममा ९३ लाख ९९ हजार ८ सय ८३ जनाको कोरोना परीक्षण गरिएको छ ।
त्यसैगरी हालसम्म २० हजार ३ सय ३३ जना कोरोना संक्रमित उपचार पछि निको भएका छन् । यस्तै पछिल्लो २४ घण्टामा ३१ हजार ४ सय ३६ जनाले कोरोना विरुद्धको खोप लगाएका छन । यससंगै खोप लगाउनेको कूल संख्या २३ लाख ५६ हजार १ सय ७५ पुगेको छ ।