भिक्टोरिया, अस्ट्रेलिया । भिक्टोरियामा पछिल्लो २४ घण्टाको अवधिमा थप ६५ जनामा कोरोना भाइरसको संक्रमण पुष्टि भएको छ ।
हिजो घोषणा गरिएको शेपार्टन क्षेत्रको २१ केसहरु पनि यो घटनासँग जोडीएका केसहरु हुन्।
सोहि अवधि भर ४४ हजार १ सय ४७ जनाको कोरोना परीक्षण गरिएको छ भने सक्रिय संक्रमितको संख्या ४४० रहेको छ । स्वास्थ्य विभागका अनुसार अहिलेसम्ममा ९० लाख ४५ हजार ४ सय २९ जनाको कोरोना परीक्षण गरिएको छ ।
त्यसैगरी हालसम्म २० हजार १ सय ८९ जना कोरोना संक्रमित उपचार पछि निको भएका छन् । यस्तै पछिल्लो २४ घण्टामा २६ हजार १ सय ४९ जनाले कोरोना विरुद्धको खोप लगाएका छन । यससंगै खोप लगाउनेको कूल संख्या २१ लाख ३५ हजार ३ सय ९६ पुगेको छ ।
राज्यका ग्रामीण क्षेत्रमा पनि उल्लेख्य सङ्ख्यामा कोभीड सङ्क्रमण भेटिए पछि हिजो दिउँसो १ बजेदेखि भिक्टोरियाको रिजनल क्षेत्रमा लकडाउन सुरु भएको छ भने शनिवार मेलबर्नमा लकडाउनको विरोधमा भएको प्रदर्शनले हिंसात्मक रूप लिएपछि ठुलो सङ्ख्यामा प्रदर्शनकारीहरूलाई पक्राउ गरीएको छ।
